NEHEMIA 10:39 - Biblía Axweesantá Hhohho' ar Mungú 2004

³⁹ Asma múk Israeli nee múk tlahhoó Laáwiwo ilahhooár balaangw ngin huwiyá', nee difaáiro, nee di/tá xaa'aá seituúni baraá kutwaydá' xooslaá hhohho' awa doó Mungú kiwa amohhe'eemisi, didá' kaahamuusér gadiyuus nee xuumuusér afér do'o nee daauuse i kutway'ín koná'. Qooma sleémeero atén doó Munguúrén u baseehuwanaaká.

NEHEMIA 10:39 Iomraidhean Croise

2 WAAWITÁ 7:10

Gawaá adoorihe, nari dír xafayduú múk Aramu wa tlayé', nee mukdá' afér gixsár xuúm kuri ateét, kuri báy, «Atén ana amór xafoó múk Aramu kawaán, nee heé ta araán laqaá oo ta axasaán wa/amedae i kaahh. Faras nee daqwaayero i tseegamorí kahhiyá', nee heemaduuín kaa adoodár kilá' i geexáy.»

2 QOM'I 31:11

Aluuwo waawutmo Hesekia giri ádbáy meeweé kawa tleehhi baraá kutuwír doó AAKOÓ MUNGÚ. Inooín ngiri tleehhiyé'.

2 QOM'I 31:12

Balangwdá' tinda hanmiís nee ar wák baraá mibaango, nee muruudá' taa paraátl as Mungú, kuri baraá doó Mungú i baáts ar inkihhimu. Konania heé tlahhoó Laáwi kuri qaás heé úr wa ale, as muruudá' nguwa amohhe'eemisi, nee hhiyaawós Shimei an alee/isusmoowós.

NEHEMIA 12:47

Múk Israeli sleémeero, iimír qoomár Serubabeli nee Nehemiawo umuú baalaaro ilahhooa kana hanmiís as daauuse nee xuumuusér afkú do'. Múk Israeli tooka ngina partlitiyé' as múk tlahhoó Laáwi, múk tlahhoó Laáwi tooka ngina paraatliyé' as xwaylár Aroni.

WARA'AMI 122:9

As Doó AAKOÓ MUNGÚ, Munguúrén, iwa baraawók i dirii'i, aníng a firiím as tawa hot ar amohhooa.

FAARO 18:26

«Slamí tlahhoó Laáwi kaangwí ti beer, ‹Qoomár ilahhooár gár wák baraá muruú mibaango bara ilaaoté', tidá' múk Israeli i hanimiisi as tawa aalirhúng, kuungá' baraá muruudá' taa sleeri'i gár wák baraá muruú mibaango ngin anuú AAKOÓ MUNGÚ i haniisá' tawa ilahhooarhúng.

FAARO 18:30

Kuúng ki beer, «Barnaxes didaádá' ló'wa hhoo' ngaa hanisé', tidá' aa met a toohúng, kuungá' tlahhoó Laáwi, adoodá' dooslusmo balángw aa meet ngur waawatli, alaá ilahhooár balaangós oo geera nee oo sabiíbuwo burngwa hhe'eés haniisaro.

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.