NEHEMIA 10:33 - Biblía Axweesantá Hhohho' ar Mungú 2004

³³ Nee as mikaáteedá' taa qaás as Mungú nee ilahhooár balaangw, nee ilahhooár da/a, nee ilahhooár deelór Sabaáto, nee ilahhooár Slahhángw /Abén, nee deelór uren ar hatlae, nee muruú hatlá' oo hhohhó', nee ilahhooa as hingeemisuú tlakweema as múk Israeli kuwa haraki/isi, nee gadiyedaá hatlá' sleémeero awa doó Munguúrén.

NEHEMIA 10:33 Iomraidhean Croise

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

TI'INAANGW 30:16

Kuúng peésasíng tinda huúw as haraki/isa ka ilaaót dír múk Israelír wa alé, daqaní afér heémaadár Mungú ngi tlaq, as kahhó' peésaarí aníng iwa inslawtamis daanduú múk Israeliwo, asma peésaarí slafingw'ín guna tú/.»

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Ebrania 10:11

Umuúqo kaahamusmoó Munguhe gadiyeérós gan tlehhahhiit umuúqo deelooro ar ilahhooadár muruú ta tsu/i ngiwa hanmaamisi umuúqo daqto. Ala ilahhooarí tlakweema hingeesaro gi baloó aleesleeraaká.