NEHEMIA 10:31 - Biblía Axweesantá Hhohho' ar Mungú 2004

³¹ Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

NEHEMIA 10:31 Iomraidhean Croise

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

NEHEMIA 13:23

Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

NEHEMIA 13:27

Xáy atén kuungá' nun iiárií qaasána baraá /aymuú tlaakwe, nee tlakweemaá yaariir awa adór kuká' kiri tleehhaán tam Munguúrén kway tlakweemáy tleehhaán as /ameenarí kawa duxuta'?»

TI'INAANGW 12:16

Bál geera nee bál faanqwe an burumburitá' asma a deelór hhoohhoo' dirhunge, gadiyér tleehharut i káhh baraá deeloosinge. Ala aqo as adoodá' /ayma meemu nguwa ya/aandaaká, tí kilós naa tleehhaak.

TI'INAANGW 20:10

Ala bál faanqw a deelór Sabaáto ar AAKOÓ MUNGÚ Munguúwók. Baalaadae kuúng ma gadiyusaar, laqaá tam garmaawók laqaá dasiirók, laqaá lawaalmoowók, laqaá lawaalo'oorók, laqaá makiito'ór ta de'een, laqaá tam hoomoó dír do'ók.

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

Matayo 6:12

Tlakweemaarén gurtlaweek, adór atén múk tis dakumaamiís kur gurtlaatlawaan.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.