NEHEMIA 10:29 - Biblía Axweesantá Hhohho' ar Mungú 2004

²⁹ tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

NEHEMIA 10:29 Iomraidhean Croise

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

2 WAAWITÁ 23:3

Waawutmo iri sihhiít dír bihhaá uhmo, al'axweesani gari qaás dír AAKOÓ MUNGÚ, ar AAKOÓ MUNGÚ nguwa eehari, nee hara'ayaarós ngiwa oohi, nee lamabu'uungós nee kaahirose ar muunaáwós sleémeero nee ar qeeruuwós sleémeero. /Ayma'aá taa gooín baraá kitaábuuduú alqado ngiwa eehari. Muu sleémeero al'axweesantadá' gari ya/án.

1 QOM'I 9:2

Múk Israeli kuduú geeraharuuseerooká an múk aa geerií kii/ baraá gixsaduuín, nee kaahamuusér Mungú, nee múk tlahhoó Laáwi, nee sagadiyuusér doó Mungú.

2 QOM'I 34:31

Waawutmo iri dirós tidá' i sihhiít, alqado gari oó' ar AAKOÓ MUNGÚ nguwa eehari nee hara'ayaarós, nee tidá' aa ooi nee kaahirose ngiwa oohi ar muunaáwós sleémeero nee ar qeeruuwós sleémeero, nee axweesanay sleémeero kudá' taa gooín baraá kitaábuuduú alqado nguwa boo/eesi.

2 QOM'I 6:16

Gawaá adoorihe, AAKOÓ MUNGÚ, Munguú Israeli, gimáy tidár hatlá' taa alqadiín dír baabuúeé' Daudi boo/eeseek, tidá' kuwa beér, ‹Barnaxes na/iiwók daber'eé' ngi oohiyá', nee birti harmagaahhiyá' adór kuúng wa ale, daqaní kuúng qooma sleémeero garma u koón oo iwiít gawaá kitángw aleesleemu oo Israeli.›

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

NEHEMIA 7:46

Sagadiyuusér doó Mungú a tí: Hhay Siha, nee hhay Hasufa, nee hhay Tabaoti,

NEHEMIA 8:2

Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

NEHEMIA 8:3

Inós kitaábuuduú dabe guri soomuús dír afeenír Afkuduú Ma'áy wa ale iimír matlaatlér boo/ ay /ametleemu, dír geeraá hhawaateedá' nee /ameenaaro, kudá' tsaahha ngi koomá'. Muu sleémeero kángw baraá kitaábuú dabe kway iiárií qaás.

NEHEMIA 9:2

Kudaá xwaylár Israeli tiri paraatliyé' dír xoordaá hatlae, nina sihhiitiyé' tlakweemaaín ngiwa hhu'uu'una' nee dakumisuú baabi'ii'ine.

NEHEMIA 9:38

As tí aa tleehharuuti atén alqadór gawit an qaasaán ar gooi, nee mukrén oo urén, nee múk tlahhoó Laáwiwo, nee kaahamuuseero. Inooín dugeeni'ín ngi qaasiyá'.

WARA'AMI 105:45

as kaahirós kawa oohi, nee dabeerós kawa eehari. AAKOÓ MUNGÚ xirfayeemisaak!

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 8:1

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

WARA'AMI 8:9

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

YEREMIA 26:4

«Inooín ki beer, AAKOÓ MUNGÚ i kaahi, ‹Barnaxes aníng iga iiárií qasi'iiká, nee daber'eé' tidá' naa qaás aga eehadi'iiká,

YEREMIA 34:15

Ala deelór niina aa waarahhi, kuungá' inslawayhúng kuwa warqesé', aníng ina qwal/asé'. Kuungá' mukhúng oo Israeli kuwa gwedé', nee alqado kari qasé' dír geeraaeé' wa alé, dír Do'odá' taa umuueénár ateetin.

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

FAARO 5:21

Daqaní kaahamusmo /ameenidá' ngi lo'ór /aymisi iwa kaahi: AAKOÓ MUNGÚ i lu'usi nee i slahh'eesi nee i lu'usi baraá tla/ángw mukose, kiíng masók an kampeeri tleehhít nee guruuwók i xir'iti.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Yohana 7:19

Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 17:34

Muu bahh'alé iri haragwaá' amór Paulo, tari haratlintií'. Baraá tla/ángw mukwihe heeko a Dionisio. Inós a heé doó kwasleema oo Areopago. Heé hatlá' a /ameenirka wák, umuuwós ta bay Damari, nee mukko hatlá' sleeme i deer.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

DABE 33:4

Mose tina ádbáy dabe kawa iialooeesaan, tawa adór aalír slahhaa' dír dinku'uumarén ar Yakobowo.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.