NEHEMIA 1:9 - Biblía Axweesantá Hhohho' ar Mungú 2004

⁹ Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

NEHEMIA 1:9 Iomraidhean Croise

1 WAAWITÁ 8:48

Nee qoomaasinge barta baraá yaamaá wakuuser'ín taa hhu'uu'ún ar muner'ín sleémeero ar kilá', nee ar fuqurangw'ín sleémeero, nee bar taa firín tawa amór ayaaín ga/ay, kudá' taa baabi'ii'ín i hanís, laqaá barta amór gixsarí kuúng taa tsawát ga/áy, nee amór do'owí aníng naa tleéhh as umuuwók,

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

1 QOM'I 16:35

Inós sleeme ku beera', «Aá Mungú, ba/amusmoorén, atén ti buruumbut, ti tu/ baraá xoorduuwo, as kahhó' atén umuuwók kudá' hhoohhoó' nguwa xirfayeemisaan, asma xirfurén a kuúng un xirfayeemisaán.»

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

WARA'AMI 107:3

Mukdá' aa burumbuúr baraá yaamu sleémeero wa ale, da/aáw nee /uwawo, /iya nee basko.

WARA'AMI 147:2

AAKOÓ MUNGÚ gixsár Yerusalemu gan tlehhiit. Múk Israeli, kudá' aa diyaa/aat gun burumburín.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ISAYA 56:8

Aakoó MUNGÚ kudá' mukduú Israeli aa tsiyayaxaat gu burumburiím i kaahi, «Aníng múk hatlá' ngu burumbuúr dír kwí naa geerií burumbuuri.»

YEREMIA 12:15

Alaá ngiwa hingemiís in malé gurtláw, umuú xoorooro an ki/ís dirós nee baraá yaamuuwós.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 6:22

AAKOÓ MUNGÚ i kaahi, «Qaytsité', xoorór /iikú daahh ni hi'ít, xoorór /uuruú slaqwarár koom, ti amohhe'eemís amorqá' saáw wa aleeró.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

SEKARIA 8:7

Anuú AAKOÓ MUNGÚ Aleesleemusmo tí ngina oó'. Ga/aawaak, án muk'eé' u ba/amís iimír da/aáwaá tleemu ay /uwa.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

DABE 12:21

Barnaxes didá' AAKOÓ MUNGÚ, Munguúhúng i tsawaari, dirhunge ka saaw, nee kuungá' hikwaahúng, laqaá bee/angwhúng kudá' AAKOÓ MUNGÚ nura tsuúq, iga tsu/é', adoodá' ngira hara'ayiím, i ya/aán fu'unaydá' kiwa /aga' umuúqo dír ti diria'a baraá yaamuhunge.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',