NEHEMIA 1:7 - Biblía Axweesantá Hhohho' ar Mungú 2004

⁷ Tlakweemaá yaariir iga tleehhaán daanduuwoge, tam hara'ayarók aga oohaniiká laqaá kaahirók, laqaá sakwasleemarók, tidá' sagadiyusmoowók Mose kwa beér.

NEHEMIA 1:7 Iomraidhean Croise

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

2 QOM'I 25:4

Ala na/ii'ín gaa tsu/iiká, as adoodá' kara gooín baraá kitaábuú dabér Mose, tidá' AAKOÓ MUNGÚ iwa kaahi, «Xwayliité ka tsu/iiká as tlakweemaá na/ii, laqaá na/ii ki tsu/iiká as tlakweemaá xwayliité, ala umuú heewo kun gaas as tlakweemaawós.»

2 QOM'I 27:2

Inós tlehhma'aá hho' gina tleéhh dír Munguhe, adoodá' baabuuwós Usia aa tleéhh, ala inós aa dahiiká baraá Doó AAKOÓ MUNGÚ. Ala muu tlehh'maaá tlakw tlehhtuuwo ina kumiít.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 89:31

barnaxes kaahir'eé' ngaa waaqaaiyé', nee hara'ayar'eé' ngay eehari'iiká,

WARA'AMI 89:32

daqaní inooín aníng in muúx ar hhara asma tlakweema ngiwa tleehhiyé', nee in muúx ar qawaay as tlakweemaaín.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

TLAHHOÓ LAÁWI 27:34

Gaarí an hara'ayár AAKOÓ MUNGÚ aa hara'ayín dír Mose gawaá tloomár Sinaír wa ale as xoorór Israeli.

SEFANIA 3:7

Aníng niri oó', ‹Ar ló', gixsarí aníng i ilaiwá/, nee gan'aasa gari ya/aán. Nee i gunqarutká muxtadá' sleémeero ngira muxi.› Ala inooín nari ak buhhiyé' ilatleeriro. Nee tlehhma'aá tlakw sleémeero tlehhtuwo.»

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»