NEHEMIA 1:6 - Biblía Axweesantá Hhohho' ar Mungú 2004

⁶ Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

NEHEMIA 1:6 Iomraidhean Croise

1 WAAWITÁ 8:30

Firór sagadiyusmoowók axaaseek, nee ar mukók oo Israeli uwa firiirin. Firoorí kuúng na axaaseek gawaá doorí wa alé, nee bar aga axás, atén ti gurtleer.

1 WAAWITÁ 8:47

bar qoomár tawa baraá looháy dirii'i baraá muner'ine ugwa i ki/iyé', niri hhu'uu'uné', nee uri gurtleemií firiné', bar taa oó', ‹Atén tlakweema iga tleehhaán, aga poora/amutaán nee aga tlakweesaán.›

2 QOM'I 28:10

Hám daxta múk Yuda nee oo Yerusalemu in lawaalerhúng waá oohár wa sla'á'a? Xáy, kuungá' hamí a tsatsahhaanda'akáhe adór tlakweema kira tlehhé' dír AAKOÓ MUNGÚ, Munguúhunge?

2 QOM'I 29:6

Asma baabi'iirén nina inkihhimu wasleesiyé', nee muruú tlákw nguri tleehhiyé' dír ilaá AAKOÓ MUNGÚ Munguúrene. Inooín nguna si'iyé', ngway amór saáw i mayé', didá' AAKOÓ MUNGÚ i hooti ngiri alaá xu'usiyé'.

2 QOM'I 6:40

«Daxta aá Munguúeé', atén ti i qaytsit, nee firorén tí ta dír do'owí wa firirimaan iiárií qaaseek.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

ESRA 10:11

Hám daxta, tlakweemaahúng hhu'uu'umaak dír AAKOÓ MUNGÚ, Munguú baabi'iihúng, nee sla'aarirós na tleehhaak, ti partle' dír múk yaamuukae, slám /ameenaadár xoordaá hatlá' guusaak.»

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 130:2

Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 88:1

AAKOÓ MUNGÚ, ba/amusmooeé', tlaatla/aangw nee xweeraawo án kuúng un i /aa/amiím.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

WA/AA/I 5:7

Baabi'iirén tlakweema ngina tleehhiyé', hám inooín i kahhiyá', hamí atén an slahhahha'aán as dakuúsár inooín naa tleehhiyé'.

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Luka 2:37

Daxta inós a kwaalo'ór kureeri mibeeri dakaát nee tsiyáhh. Baraá Doó Munguhe i ququtlaatliindaaká, aqo in sluufmaamís xweera nee tlaatla/aango, iwa gwaawiwiin nee iwa fiririin.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

1 Timoteo 5:5

Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.