NEHEMIA 1:4 - Biblía Axweesantá Hhohho' ar Mungú 2004

⁴ Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 1:4 Iomraidhean Croise

2 SAMUELI 12:16

Daudi Mungú guna firaarín as na/aay tsiní ngiwa slay. Iri gwaawín, ina dáh baraá kutuwirós, iri qaát yaamií ale iimír xweera ay iimi garwa /awakuúr.

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

2 QOM'I 6:13

Solomon /aampa gaa tleéhh ar muqslár sirda/aten, gay qaás tla/ángw afeeni, tlenaango nee uroó bihheero a miíta tsár ga ba/aabá/ uro bihhe, nee tlenaangw gawa a miíta wák ga ba/aba/. Inós iri tsa/án gawaá /ampaadá', iri tumbarara'aát dír geeraá boo/oó múk Israeli, dabaawós gay gáwtí tleés.

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

ESRA 9:3

Aníng adoorí ngiwa axaás tlabaaeé' ngiri karslimiís nee hiyay'eene se'éngw sagw'eé' nguri tu/uúm nee daamor'eene as gurhaami, niri iwiít as dae.

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

NEHEMIA 2:20

Naagáy ngiri mu/aywaáts ngiri báw, «Munguú doori atén ti alee/iis baraá gadiyeérihe, nee ateékaá sagadiyuuseerós an tlawaán tlehhma un iimu/uumaán. Ala kuungá' gár tundu loó' i káhh, laqaá harímarhúng laqaá gár ta inslasleera' i káhh baraá Yerusalemuro.»

NEHEMIA 2:4

Aluuwo waawutmo Artashasta iri báy, «Gár kuúng ta aníng i firór wa sla' a milá?» Aníng Munguú doori nguri firiím.

WARA'AMI 102:15

Xoordu sleémeero AAKOÓ MUNGÚ ngu da'ayutiyá', Waawitá sleémeero baraá yaamuwo xirfuuwók ngu da'ayutiyá'.

WARA'AMI 136:26

Munguú doori sluufmisaak, Asma sla'aarirós i warqeeraaká ay alhhe'eesay wasle!

WARA'AMI 137:1

Ana iwiitaán afaá ya'aá Babuloni, Siyoni kawa iinslawaán ana /aa/amiimaán.

DANIELI 10:2

«Qoomaarihe anuú Danieli a tsuunqumiís har afiqoomár wiikidaá tame.

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»

SEFANIA 3:18

AAKOÓ MUNGÚ i kaahi, «Adoodár baalaadár deelór ure amotlakwér kuungá' naa sleer an hingeés, tidá' muu kuungá' nuwa /oosliislín.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.