NEHEMIA 1:3 - Biblía Axweesantá Hhohho' ar Mungú 2004

³ Tina báy, «Múk aa /uy loohatisaro, kudá' aa baraá yaamuudá' i meet, i baraá slahh'amuú yaariír nee mureekesaay. Slám koo/idár Yerusalemu kaa feé/, nee afeerós kaa daá/ ar asla.»

NEHEMIA 1:3 Iomraidhean Croise

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

2 WAAWITÁ 25:10

Slaqwaruusér Kaldayo sleémeero, tidár dinkwa nee geeraharusmoó xuumuuse koo/ír Yerusalemu ngina fee/iyé' bihhe sleémeero.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

ESRA 2:1

Mukwí an kuduú aya, kudá' naa waatl baraá loohaywo, kudá' Nebukadnesa, waawutmoó Babuloni aa loohatís ay yaamaá Babuloni, inooín tay kií/ yaamaá Yerusalemu nee awa Yuda, umuú heewo ayaawós.

ESRA 5:8

«Kaangwí i xu'utiiti dír kuúnguú waawutmoowo adór atén nira hardahaán baraá yaamaá Yuda, dír doó Munguúdá' úr, do'odá' kwaa tleéhh ar tlaa/aá uren nee koo/irós kaa tleéhh ar xaa'aá diren. Gadiyeérí kan ilakaaharúr tlehhiit nee in gaanslár hi'ít.

NEHEMIA 11:3

Baraá gixsadaá hatlae múk Israeli nee kaahamuusér Mungú, nee múk tlahhoó Laáwiwo, nee xuumuusér afér do', nee xwaylár sagadiyuusér Solomon nina baraá ayeemooín wa hootiyé'.

NEHEMIA 2:13

Xweeraawo ana tsee/áy ti'iít ar Afkuduú Xatsa ar loohír amór Hhalángw Dayshmoó kaw nee ar Afkuduú Ufuú Xwaansláy. Koo/ír Yerusalemu ana i qaytsiít, tidaádá' aa fee/it, nee afeerós kaa qororo'oós ar asla.

NEHEMIA 2:17

Naagáy ngiri báw, «Hamí slahh'amurén u ga/eerá'aáke adór Yerusalemu kara sluhhúy, nee afeerós kara qororo'oós ar asla. Gimsé', qwalaas koo/ír Yerusalemu a malé tleehhaán as mitiwa malé mureekeés.»

NEHEMIA 2:3

Waawutmo nguri báw, «Waawutámo, sagók fur'a ngu laaleer, aníng mahár gurhamutaaká, bar gixsár /aantaá baabi'iieé' i dirii'iya' in iwiiwít ar deewa'ame, nee afeerós kaa hhaamiís ar asla?»

NEHEMIA 7:6

Mukwí an kudá' naa baraá looháy wa waatl, kudá' Nebukadnesa waawutmoó Babuloni aa loohatís, inooín niri ki/iyé' Yerusalemu nee baraá yaamaá Yuda, umuú heewo baraá gixsarós.

ESTA 1:1

Waawutmo Ahasuero ayeemo ngaa sawaawuti'ín a tsiiru nee mibeeri tsár nee faanqw iimír Indiár wa tleemu ay yaamaá Kushi.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

AXWEESANOÓ SAGALOOA 25:28

Adoodá' doó aa koo/i huu' i dirii'i, an adór heé buhhtaawós ila/aro gi aleeslawaaká.

ISAYA 43:28

Gawaá adoorihe aníng geeraharuuseedá' hhohho' an meeta gaás. Aníng múk Yakobo nguri hhaamiís, nee múk Israeli nguri máw kuwa /oosliislin.»

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

YEREMIA 52:14

Slaqwaruuse sleémeero ar Kaldayo, tidár dinkwa nee geeraharusmoó úr oo xuumuuse, koo/i sleémeero tidá' gixsár Yerusalemu ga harwet kana feé/.

WA/AA/I 1:7

Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

WA/AA/I 3:61

Aá AAKOÓ MUNGÚ, kuúng /oosliislingw'ín ugwa axás, nee muruuín kudá' tlákw i qoomeemeesiya' daanduueene.

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.