NEHEMIA 1:11 - Biblía Axweesantá Hhohho' ar Mungú 2004

¹¹ Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

NEHEMIA 1:11 Iomraidhean Croise

IIMU/UUNGW 24:42

Laarí niwa hardáh baraá hhaleerí alé, ana adoorír firiím, «AAKOÓ MUNGÚ, Munguú aakooeé' Abrahamu, án kuúng u firiím, án alee/iisáng baraá aaiieene, nee aakooeé' Abrahamu hhooeemií tleehheek.

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 40:1

Alaá kaangwihe qoomaadae mukko tsár i deer. Oo wák a heé úr oo muruú wahángw waawutmoó yaamaá Misri, oo tsár a heé úr oo múk mikaátér waawutmo ga tlehhaahhiít. Kuká' aakooín nguna sadakuusiyé'.

IIMU/UUNGW 40:2

Farao ina ló' wa buúhh gawaá sagadiyuuseedá' tsare, heé úr oo wahángw waawutmo, nee heé úr oo mukdá' mikaátér tlehhaahhiít.

IIMU/UUNGW 40:21

Heé úr oo muruú wahángw waawutmo guri ki/ís baraá gadiyeérós i alé, nee inós isaangír Farao gari haniís gawaá dakós i alé.

IIMU/UUNGW 40:23

Ala tam adoorihe heedá' úr oo muruú wahángw waawutmo Yosefu gwa inslayká, guna gunqareés.

IIMU/UUNGW 41:9

Geeraharusmoó úr oo muruú wahángw tlehhiít Farao guri báy, «Dakuúsar'eé' aga insláw laarí.

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

2 QOM'I 6:40

«Daxta aá Munguúeé', atén ti i qaytsit, nee firorén tí ta dír do'owí wa firirimaan iiárií qaaseek.

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

NEHEMIA 1:6

Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

NEHEMIA 2:1

Qoomár slahhángw ta bay Nisani oo kurkú mibeeri tsár oo waawuti'iimár waawutmo Artashasta, qoomár difaái iwa dír geeraawós i diri', aníng difaái ana óh ngay dír waawutmoó i haniís. Aníng aga baloó gurhamuutiiká dír geeraá waawutmoowo qoomár aa waarahhi.

NEHEMIA 2:8

Sleeme barwito'ór Asafu kingi gooin, kudá' gartá waawutmo ga amohhe'eemiís, as xaai ngiwa haniisi awa nahhtá afér koo/ír gawit ar Doó Mungú, nee ar afér koo/ír gixsa, nee ar afér dooeé' kudá' ni hotaá aw.» Waawutmo muruudá' aníng ni fiririim nguri haniís, asma Munguúeé' kudá' hhoó' iwa dinkwa nee aníng.

WARA'AMI 106:46

Kudá' sleémeero inooín ngaa oohine' haasaáng wa ale, ngiri gurtlayé'.

WARA'AMI 130:2

Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

WARA'AMI 86:6

AAKOÓ MUNGÚ, firor'eé' axaaseek, afor'eé' iiárií qaaseek.

AXWEESANOÓ SAGALOOA 1:29

Asma kuungá' xu'uti ana ahhé', slám AAKOÓ MUNGÚ kuwa ilaiwawa/a' aga tsawdi'iiká.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

YEREMIA 42:12

Aníng kuungá' nu gurtláw, nee waawutmo nguri muuna warqeés as kuungá' nuwa gurtlay, nee nuri máy baraá yaamuuhúng i alé.›

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.