NAHUMU 3:3 - Biblía Axweesantá Hhohho' ar Mungú 2004

³ Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

NAHUMU 3:3 Iomraidhean Croise

IIMU/UUNGW 3:24

AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

ISAYA 34:3

Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

ESEKIELI 39:4

Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

TLAHHOÓ LAÁWI 26:37

Tin i huhu'uná' tawo alé adór heé naa goow slaqwarár wa ale, tam heé gi gusisiím i kahhi. /Uuruú niiná ta koondá' i kaahh oo wakuusérhúng kawa bala'.

NAHUMU 2:4

Gaarduuín in xwiishmitiyá' ti'iingo baraá lohduuwo, in tawo taambeeruusiyá' baraá xatsto, i qwiirii/iyá' adór tsángw asla, in gaanslár ti'ii'iná' adór maankaro.

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.