NAHUMU 3:18 - Biblía Axweesantá Hhohho' ar Mungú 2004

¹⁸ Aá waawutmo Ashúru, de'eemuuseerók aa gú', mukók kudá' ta ilaiwawa/i aa gufiís, mukók aa tsiyayaxaát gawaá tlom'i, tam heé gi burumbuuriím i kaahh.

NAHUMU 3:18 Iomraidhean Croise

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

ISAYA 13:14

«Adoodár saragtá ta slakaati i diri', nee adoodár bee/ángw de'eemusmoó koomaaká i dirii'i, umuú heewo sleeme in haragwaa' amór mukós, nee umuú heewo sleeme in ta'aaín amór yaamuuwós.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

YEREMIA 50:18

Gawaá adoorihe, AAKOÓ MUNGÚ Aleesleemusmo, Munguú múk Israeli, i kaahi, «Aníng waawutmoó Babuloni un muúx nee yaamuuwose, adoodá' waawutmoó Ashuru ngura muúx.

YEREMIA 51:39

Inooín hheehhár /ayma gi eér, aníng ngiri muruú /aymár úr i amohhe'eés, inooín ngiri xufitiís nay ta/amitiyá', inooín tan guu' ta daarkitiiká, nee sleeme ta baloó tlayká. Anuú AAKOÓ MUNGÚ tí ngina oó'.

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

Geehhoeemaá 6:15

Qoomaadae waawitú baraaká' yaamu nee múk urén, nee geeraharuusér slaqwara, nee múk daqaare, nee múk aleesleemuú koóm, nee umuúqo heewo, oo lawaalmo nee oo lawaalmoowooká, sleémeero tari nahhaát baraá mar'o, nee baraá gur'ér tla/u ar baraá tlom'í dirii'.