NAHUMU 3:15 - Biblía Axweesantá Hhohho' ar Mungú 2004

¹⁵ Amoosinge asla in /ák, paánga iri supaapiín, in /ák adór ingigi ir /ayayin. Gím ti yaarese' adór ingigitá wa ale, ti yaarese' adór tsaxw'i wa ale.

NAHUMU 3:15 Iomraidhean Croise

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

Yoeli 1:4

Tidá' naanagi aa meetís baraá qamuuwo, ingigi gari /ák, nee tidá' taa meetiís nee ingigi kari /aáy nee siisa, nee tidá' taa meetiís nee siisa kari /aáy nee karkari.

Yoeli 2:25

Aníng kureeridá' tunduwa balaangw /aa/aáy nee slawtadá' ur naa tleés, ar ingigi nee siisa nee naanagi nee karkari, aníng ngi aslabuú'.

AMOS 7:1

Aakoó MUNGÚ ina iigu'utií laqán. Aníng niri qaytsiít, AAKOÓ MUNGÚ una ár i daqtá ingigitá tlehhiit qoomár gitso iwa harma/aama/, tidá' muu aa tsaát as hikwaá doó waawutmo. Qoomaadá' an tidá' gitso iwa malé harma/aama/.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

NAHUMU 3:13

Ga/aaweek, xuumuuseerok a da'ayuuse adór /ameena, afér dahmuú baraá yaamuuwók i kístí dirí' dír wakuuseeroge, asla duuxuteerós sleémeero gaa /ák.

SEFANIA 2:13

Inós dakós gun gáwtí tlees bihhaá /iya, múk Ashuru guri hhaamiis. Gixsár Ninewi gan deewa'atis tay dír kaahaar adór xaanxaay.