NAHUMU 3:10 - Biblía Axweesantá Hhohho' ar Mungú 2004

¹⁰ Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.

NAHUMU 3:10 Iomraidhean Croise

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

YOBU 6:27

Kuungá' bar ana qitlé' panaay kuwa tsuwa tlaxuunda', mulqerhúng ala bar sleeme an weeramisá'.

WARA'AMI 137:8

Kiíng Babuloni, aga naká/ huuamaawo, heé amohhoó' a kudá' i li/áy buú', as adoodá' atén tira slahh'eemís.

WARA'AMI 137:9

Heé amohhoó' a kudá' na/iiwók gi ohiím, nee gi naasúw gawaá daanduú tlaa/a.

WARA'AMI 149:8

Waawitaáín ku tseegi ar muqsla, nee geeraharuuser'ín kawa tseegi ar qutúr.

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 19:4

Aníng múk Misri nguri haniís dír heé tlaákw, waawutmoó xaraásl giri sawaawuti'ín, Anuú Aako, AAKOÓ MUNGÚ Aleesleemusmo tí an káh.»

ISAYA 20:4

gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

ESEKIELI 29:7

Qoomár uwa dawa oohiyé', ana qeqtiín nee sum'ii'ín kiri giqeér. Qoomár uwa i tlintii'iyé', ana qeqtiín kiri diqiya' giqeér.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

Yoeli 3:3

Inooín muk'eé' nguna tsawdoórí tleehhiyé'. Maamár garma kana haniís tawa bu'utuú tsaatuso'o. Maamár dasi ngina haniisiyé' as difaái ngiwa slaya'.»

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

OBADIA 1:11

Bál gixsár Yerusalemu kawa haraadarahi, kuungá' ana bihhií sihhité', dahaaye daqaari'iimarós gari ar tleér, nee mukdaáduú tsifir hatlo kaangardaá gixsa kiwa waaraáhh, tsawdo kari tleéhh as Yerusalemu, qoomaadae kiíng an adór heé wák baraá tla/ángw mukdae.