NAHUMU 2:9 - Biblía Axweesantá Hhohho' ar Mungú 2004

⁹ Gimsé', peésa ar tlawaak, sahaábu ar tlawaak, asma a daqaari'iimár baloó faakaaká, umuúqo xooslomoó afhhamite i deer.

NAHUMU 2:9 Iomraidhean Croise

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

ESEKIELI 26:12

Daqaari'iimarók ngiri ar tlayá' nee umuú gaaro ar ta koonda. Koo/irók ngi fee/iyá', nee marayhúng kudá' xirfayen ki yaamií daahh, kudaá tlaa/e nee awa peehháy, nee hhapeedá' taa maraysír tlehhé' gari ku'uus baraá tlawi.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

NAHUMU 3:17

Geeraharuuseerók a adór tsaxwi'i, nee mukók kudá' urén a adór daqooró ingigi, kudá' deelór tsaaqwaro gawaá yáwtá wa iwiiwitá', ala qoomár tsee/amá bira axwaanúy nin tlayá', tam amór ni kaya' heé ga xuú' i kaahh.

Geehhoeemaá 18:12

Muruuín kudá' ta tlaxwaaxun a kwí, sahaábu nee peésa nee tlaa/eedá' tlaxo uren nee kwasluudá' tlaxo uren, inqwaruudá' /awák taa tleéhh ar kitaánír hhohho' nee kudá' sirda/atén, nee inqwaruudá' natsaatsaá' nee kudá' da/atén, nee umuúqo xa'anoó mooyaangw tsuua, nee umuúqo xooslmoó taa tleéhh ar xareemaá daawe, nee umuúqo xooslmoó taa tleéhh ar xa'anoó tlaxo úr, nee kudá' taa tleéhh ar muqslár sirda/aten, laqaá ar muqslár da/aten, laqaá ar tlaa/eedá' ta bay marumaru.

Geehhoeemaá 18:16

Tari oín, «Hhiintluuwós ku gawít, Gixsadá' ur, tidá' taa tsiitiís ar inqwaruú /awák oo taa tleéhh ar kitaánír hhohho', nee inqwaruú sirda/atén nee oo da/atén, tidá' taa parootuús ar sahaábu nee ar tlaa/edá' tlaxo uren nee ar kwaslaá hhohho'.