NAHUMU 2:8 - Biblía Axweesantá Hhohho' ar Mungú 2004

⁸ Ala Ninewi iimír aange a adór ma'aá naa kotsqotiye', mukos hamí in tawo ti'ii'ín, afo i kat, «Sihhiité', sihhiité',» ala tam heé wák oo alií qaytsimiít i kaahh.

NAHUMU 2:8 Iomraidhean Croise

IIMU/UUNGW 10:11

Inós ina tláy baraá yaamuudá' wa alé ay yaamaá Ashuru. Gixsár Ninewi gari yaamuudá' i tleéhh, nee Rehobot-iri, nee Kala,

ISAYA 13:14

«Adoodár saragtá ta slakaati i diri', nee adoodár bee/ángw de'eemusmoó koomaaká i dirii'i, umuú heewo sleeme in haragwaa' amór mukós, nee umuú heewo sleeme in ta'aaín amór yaamuuwós.

ISAYA 38:14

«Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›

ISAYA 47:13

Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

YEREMIA 50:16

Dahasuuse har'oohaak balaangw munguwa dahaasiyé' yaamaá Babuloniro, tam qoomár fiqituuwo matawa fiiqiít, asma paángár baramaanusmo, umuú heewo múk do'ós guri alkii/, umuú heewo iri amór yaamuuwós i goow.

YEREMIA 51:13

Kuungaásíngá' afaá ma'áy wa hootá', daqaarér muruú yaariír, alhhe'eesayhúng naa hardáh, taamír slafingwhúng ka tsaat.

YEREMIA 51:30

Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

NAHUMU 1:1

Kitaábuuwí gár i kaahi a iigu'utuú daanduú gixsár Ninewi, kudá' Nahumu aa ár, heé yaamaá Elkoshi.

NAHUMU 3:17

Geeraharuuseerók a adór tsaxwi'i, nee mukók kudá' urén a adór daqooró ingigi, kudá' deelór tsaaqwaro gawaá yáwtá wa iwiiwitá', ala qoomár tsee/amá bira axwaanúy nin tlayá', tam amór ni kaya' heé ga xuú' i kaahh.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.