NAHUMU 2:3 - Biblía Axweesantá Hhohho' ar Mungú 2004

³ Gambaá slaqwaruuser'ín ki da/ten, slaqwaruuser'ín tlabaá ló'wa da/ten ngaa tsít. Gaardá farasuín i qwiiri/iiyá' adór tsángw asla, bál birka burumbuúr kiri amohhe'eés, nee lawlu kin miriri/iimiis ar adór dae tlaaq.

NAHUMU 2:3 Iomraidhean Croise

YOBU 39:23

Gawaá daanduuwose tlaangasuú slaqwaruuse in tawo xosloeelín, nee lawlaá slaqwaruuse in mitsiihhiyá' tsee/amango.

WARA'AMI 80:13

Baynaá sla/a nguri hhitiné', nee makaá sla/a nguna tlu'uné'.

ISAYA 14:8

Xaa'aá ta babay misunobari hu'uumaawók ngin saqwalaala/iyá'. Sahhtár Lebanoni sleeme i kat, ‹Iimír kiíng tiwa sa yaamií daáhh heé atén taa tlaquú ay i kaahh.›

ESEKIELI 23:24

Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

NAHUMU 3:2

Afór qaw'i iiárií qaasaak nee tsimaahhír /angegeeamaá xuuruuá' nee faras nee gaardaá slaqwara awa ti'ii'imá'.

SEKARIA 1:8

Qoomár xweeraawo malaykamo una ár aa tsa/án gawaá faraásír daa/aat. Malaykamoodá' aa sihhiít baraá xatsa tla/ángw xaa'aá ta bay hadaási. Nee aluuwose farsú hatlá' i deer, oo da/atén nee oo kal'aá bahayen nee oo /awák.

SEKARIA 11:2

Kuungaá xaa'aá sunobaári tsuunqumisé' asma sahhta aa hú' asma xaaiidá' xirfayen naa hhiturutiyé', kuungaá xaa'aá ta/eewér Bashani, tsuunqumisé', asma gartá /uuruú koom aa hhaán,

SEKARIA 6:2

Gaárír geera kan uuruxún nee farsuú da/atén, nee gaárír tsár gár ga uruxuum farsuú bó/.

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 6:4

Faraásír hatlá' ar daa/aat adór asltá wa ale niri ti'ít. Nee heé faraásirí gaa i tsa/an kuri aleesleemuú i haniís oo wayda nguwa hingeesi baraá yaamuwo, as muu tiwa kilooín tsu/i. Nee paángár ur kari inós i haniís.