NAHUMU 2:2 - Biblía Axweesantá Hhohho' ar Mungú 2004

² Asma AAKOÓ MUNGÚ xirfuú Yakobo gu ki/is, adoodá' xirfuú Israeli sleeme ngur ki/isi. Asma kudá' muruú hayoohimá' umuú gaaro ngina hayoohiyé', tam haleemá sabiíbuuín ngiri hhitiné'.

NAHUMU 2:2 Iomraidhean Croise

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

YEREMIA 25:29

Qaytsiít, aníng amotlakwe ngin huúw baraá gixsar'eé'. Xáy, ka xua' muxtaro a /uurá'a? Kuungá' muxtaaro tundu mayká, asma slaqwara ngaa tleés ar múk yaariír kuwa tsu/i gawaá daanduú yaamuwo.› Anuú AAKOÓ MUNGÚ Aleesleemusmo tí ngina oó'.»

YEREMIA 48:11

«Múk Moabu tana hoót ar yaandahhe'eesa iimír masoombi'iimar'ine. Inooín nina xasliitiyé' adór difaáír baraá hutlaay, ar taa warqeesiiká baraá xooslmoó hatlá'. Inooín kaa baloó ar tlayká baraá loohaay. Gawaá adoorihe inooín a adór difaáidá' tsuu', ar slurhhirós aa warqeeriiká.

YEREMIA 49:9

Barnaxes múk sabiíbuú bu'uúm naa dirhúng i hardáh, sabiíbu nguqo geexáy'a? Barnaxes fisuuse xweeraawo naa hardát, xáy aqo umuú gaaro ngin hhitiná'aáke ay dír nay hhe'eesiya'?

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

NAHUMU 3:14

Ma'aay hhekeek as kiíng iwa har'weeriya'. Koo/irók gawdeeseek, tleei leehheek, baa/í lufuu/eek, gufteeraá matofaáli kar da/ amohhe'eeseek.

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.