NAHUMU 2:13 - Biblía Axweesantá Hhohho' ar Mungú 2004

¹³ Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

NAHUMU 2:13 Iomraidhean Croise

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 WAAWITÁ 18:19

Geeraharusmoodá' úr oo mukdá' taa karmuumúy iri oó', «Hesekia bawaak, adoorí an adoodá' waawutmoó úr oo Ashuru i kaahi, ‹Gaasíng taa harahhíf a milá?

2 WAAWITÁ 19:23

AAKOÓ MUNGÚ una niqiín ar ya/abuuseerók tidá' taa ya/áp, kuúng tari ó', ‹Ar gaarduueé' kuká' yaariire ana tsa/ám ay gawaá sagér tlom'i, ay gawaá tsintá tloomár Lebanoni. Aníng sahhtaarós tidá' tledaadet an daraáhh, nee xaaiiwós kudaá misonobaáriro, nee an sleé/ ay baraá tla/angwdá', ay baraá gartós tidá' ur.

2 WAAWITÁ 19:9

Nee waawutmo ngiwa axaás adór Tirhaka waawutmo Kushi nir hi'iít iwa slaqwarár ay amoorós, inós muu guri malé ya/aáw amór Hesekia iwa kaahi,

2 QOM'I 32:19

Inooín tari axweés daanduú Munguú Yerusalemuwo kwaáo an adór munguaá xoordaá hatlá', awa taa tleéhh ar dabaá muu.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 46:14

«Afo ilahanisaak baraá yaamaá Misriro, tseé' amór Migdoli, afo ilahanisaak amór Memfisi nee Tahpanesi, bawaak, ‹Ti amohhe'ese' ló'wa alé, asma slaqwara nu hhaamiís umuú diiro.›

YEREMIA 50:31

Aako, MUNGÚ Aleesleemusmo, i kaahi, «Ga/aawaak, kuungásingá' daara/aamá', ti araán, asma baalarhúng naa hardát ar án kuungá' nuwa muux.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

ESEKIELI 13:8

«Gawaá adoorihe anuú Aakoó MUNGÚ a kah, ‹Axweesantahúng a al/ayma nee iigu'utuhúng a lamtá tawo. Gimsé', aníng nee kuungá' ti araán. Aníng Aakoó MUNGÚ tí aga oó'.

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 26:3

Gawaá adoorihe, anuú Aakoó MUNGÚ a kah, Aníng daxta nee kiíng Tiro ti araán. Xoordaá yaariir ngi tleés, inooín kiíng in i haratlayá' adór gwaanduú ma'aay.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 29:10

Tí ar ló', kuúng nee yauuwoge nu sakwasleemuút. Gawaá adoorihe yaamaá Misri i xaanxay tleéhh, iimír Migdoli wa tleemu ay Siyene ay digmuú yaamaá Kushi.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 35:3

Kibeeto, anuú Aakoó MUNGÚ a kah, ‹Aníng nee kiíng ti araán, aá tloomár Seiri, dakw'eé' un tleés gawaawók, tari deewá' nee iri xaanxay tleéhh.

ESEKIELI 38:3

ta o', Aakoó MUNGÚ i kaahi, ‹Gógu, aníng nee kuúng ti araán, kuúnguú waawutmoó úr oo yaamaá Mesheki nee Tubali.

ESEKIELI 39:1

AAKOÓ MUNGÚ ina báy, «Heewí, aariím daanduú Goguwo, kubeeto, Anuú Aakoó MUNGÚ a kah, ‹Aníng nee kuúng, ti araán, kuúng Gógu, waawutmoó úr oo xoordaá Mesheki nee Tubali.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

NAHUMU 2:12

Inooín a slaqás nee direeri kudá' sluqor'ín ngi ohiimá' ar xaraasleema aluuwo muruudá' naa ohiné' nguri qasmiisiyá' dír na/ii'ín.

NAHUMU 3:1

A tsaxwaawók kiíngasír gixsár tseerdaá ku'umamiis, aga háts muruú lamto nee oo al/aymaaro, hara/untsaawók i baloó faakiaaká.

NAHUMU 3:12

Koo/irók tidá' gawit sleémeero tay adór /aantsír geeraawo aa hamat, ala qoomár barka diingiís in páhh gawaá afkú heé ga /aáy.

NAHUMU 3:15

Amoosinge asla in /ák, paánga iri supaapiín, in /ák adór ingigi ir /ayayin. Gím ti yaarese' adór ingigitá wa ale, ti yaarese' adór tsaxw'i wa ale.

NAHUMU 3:5

AAKOÓ MUNGÚ Aleesleemusmo i kaahi, «Ga/aaweek, aníng a slaáqw nee kiíng, aníng tlabaawók in waatleés ay gawaá sagók, aníng xoordu ngiri /aankwetsuuwók i laqaám, nee waawuti'ima ngiri alsi'imuuwók i laqaám.

YOSHUA 11:6

AAKOÓ MUNGÚ Yoshua guri báy, «Ma baloó da'ayumiitaar as inooín. Matlo qoomár adór tihe aníng inooín in qaás gawaá dabaá múk Israeli, sleémeero kin hhaamiis. Alaá slaqwaraaro farasuuín kun kane tlaaq, nee gaarduuín kudá' slaqwara ki daa/ ar asla.»

YOSHUA 11:9

Yoshua tidá' kwa báy nee AAKOÓ MUNGÚ gana dir'íní tleéhh. Inós faras guna kane tlaáq nee gaarduudá' faras i uuruxun gina daá/.