NAHUMU 2:12 - Biblía Axweesantá Hhohho' ar Mungú 2004

¹² Inooín a slaqás nee direeri kudá' sluqor'ín ngi ohiimá' ar xaraasleema aluuwo muruudá' naa ohiné' nguri qasmiisiyá' dír na/ii'ín.

NAHUMU 2:12 Iomraidhean Croise

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

WARA'AMI 17:12

I feehhamisuú wa slaiyá' adór diraangw, nee adór na/oó diraangw oo gigidiím bir slakaat.

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

NAHUMU 2:11

Gár múk gixsarí gu slaw a milá? Inooín ki saxamaár baraadae, ta direeraá /uureemaá kooma'a awa baraá mar'i. Kudá' hee i baloó qitliiká gwarangwarto.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»