NAHUMU 2:11 - Biblía Axweesantá Hhohho' ar Mungú 2004

¹¹ Gár múk gixsarí gu slaw a milá? Inooín ki saxamaár baraadae, ta direeraá /uureemaá kooma'a awa baraá mar'i. Kudá' hee i baloó qitliiká gwarangwarto.

NAHUMU 2:11 Iomraidhean Croise

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

ISAYA 13:7

Gawaá adoorihe dabaá muu nari tsatiitiyá', nee gur'ér muu ma'aay ngay dalaa/iyá'.

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

Yoeli 2:6

Dír geeraaine muu ina amooqwaár, gitsee/er'ín iri hhimaamí' daeero.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

NAHUMU 2:12

Inooín a slaqás nee direeri kudá' sluqor'ín ngi ohiimá' ar xaraasleema aluuwo muruudá' naa ohiné' nguri qasmiisiyá' dír na/ii'ín.

NAHUMU 3:1

A tsaxwaawók kiíngasír gixsár tseerdaá ku'umamiis, aga háts muruú lamto nee oo al/aymaaro, hara/untsaawók i baloó faakiaaká.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»