NAHUMU 2:10 - Biblía Axweesantá Hhohho' ar Mungú 2004

¹⁰ Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

NAHUMU 2:10 Iomraidhean Croise

IIMU/UUNGW 1:2

yaamu i slaqsoó kon'aaká, slám awa gaa wasl. Yaamu kina tuuntuúk nee tlawi. Giwti iloodaá baraá tlawi gina tuuntúk, tam gwa/aateemaá niina i kahhiyá'. Nee Qeeruú Mungú i gawaá daanduú ma'áy waá malelee/amiit.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

YEREMIA 30:6

Axáy ti yaahase' nee qaytsité', xáy, hhawaata iqo tsuwa adór /ameenír wa xwaylúya? Ahaá baré, hhawaate sleémeero tla/eeri'ín ngaa ohiné' adór /ameenír baraá slahh'amuú xwayla, nee gitsee/er'ín iri kalay warqeer?

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

YEREMIA 51:62

Naagáy aluuwo ka alhhe'és ar axweesantí, ‹AAKOÓ MUNGÚ, kuúng daanduú yaamuukae ana ó', i hhaamís nee gár baraaká' i meet i káhh, muu laqaá makaay, yaamuuká' nin xaanxay tleehhitiyá' ay alhhe'eesay wasle.›

YEREMIA 8:21

Slahh'amuú muk'eé' an slahh'amueé', aníng a amoqwaqwadiím nee an tsuunqumiís.

ESEKIELI 21:7

Kuúng bur yaahamisiyá' bir kaahiya', ‹Ahaá waáy, mas tsuunqumís?› Kuúng ki beer, ‹An tsuunqumiís as kangwko hi'iít. Umuú heewo iri daqiyá tsatiit as kangwdá', dabaaín niri sikmiitiyá', umuú heewo iri /arán, gurunge'eeri'ín niri tsatimitiyá'. Kaangwí oo ló' ni tsuwa hardah, i pa/iiká tleehharutaro.› Anuú Aakoó MUNGÚ tí aga oó'.»

ESEKIELI 31:15

«Gawaá adoorihe anuú Aakoó MUNGÚ a kah, ‹Baalaadá' sahhti iwa hardát baraá gi'i ana uuntsuús ar giwti, yauuwós ina kahaás, nee duxeedá' yaariir wa/amiim ana ilaá/. Tam Lebanoni ana qaás baraá giwti tawa layár gurhaamir'ín, nee xaai sleémeero baraá sla/to niri /araarané' as inós.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

Yoeli 2:6

Dír geeraaine muu ina amooqwaár, gitsee/er'ín iri hhimaamí' daeero.

NAHUMU 2:2

Asma AAKOÓ MUNGÚ xirfuú Yakobo gu ki/is, adoodá' xirfuú Israeli sleeme ngur ki/isi. Asma kudá' muruú hayoohimá' umuú gaaro ngina hayoohiyé', tam haleemá sabiíbuuín ngiri hhitiné'.

NAHUMU 3:7

Nee kudá' kiíng i ará' in ilagogoowiyá', tari ooi, ‹Gixsár Ninewi aa hhiturút, heé ga sa tsuunqumiís a heemá? Heé ga gurkwa/ás dír ngway leelehhtuú aw.› »

SEFANIA 3:6

AAKOÓ MUNGÚ i kaahi, «Xoordu iga amór saáw i kwaáhh. Koo/ir'ín tidá' gawit tira baqiyé' aa hú'. Lohduuín kudá' uren iga hhitiím, tam heé gir ohiím i kaahh. Gixsaduuín nari tawó deewaaiyé', hee i kaahh baraadae, tam múk baraadá' hoót i kaahh sleeme.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.

YOSHUA 7:5

Múk Israeli kuri guús nee mukduú gixsár Ai dír afkú gixsár wa ale ay /etángw Shebarimu. Múk mibeeri tám nee lahhoó' oo Israeli kuri tsuú/. Múk Israeli gur'e ma'aay ngiri dalaa/iyé'.