NAHUMU 1:6 - Biblía Axweesantá Hhohho' ar Mungú 2004

⁶ Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

NAHUMU 1:6 Iomraidhean Croise

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

YOBU 26:11

Mungú bira gahhaát uheemaá doori in daaraxaatiyá' nee in waa/oo/iyá'.

YOBU 40:11

Gimáy, muu xarasleemaá buhhtaawók ngu al'iwitiye', umuúqo heé daara/aama i qaytsiteek ku dáhh yaamií ale.

YOBU 9:5

Inós tlom'i gin hingees dír nira kwisliti'iiká, giri fee/ ar xarasleemaá muneerós.

WARA'AMI 130:3

Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

WARA'AMI 76:8

Kuúng sakwasleema ana gawaá doorií wa ó'. Yaamu nay da'ayuutiyé', niri xasliitiyé',

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 27:4

Qaymor'ee' tí a i buhhaaká, barnaxes laqaya' nee fuquráy ngaa i haratlayé', aníng an slaáqw nee laqaya' nee fuquráy, ngiri dinkwaárí daá/ sleémeero ar asla.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

WA/AA/I 2:3

Inós /uuru sleémeero oo Israeli gwa yaamií daáhh ar buhhtaawós kudá' xaraaslá'. Inós alee/isaywós guna hingeés qoomár inooín nee wakuuser'ín tiwa doogiyé'. Buhhtaawós múk Yakobo nguna al'oohiyé' adór tsángw asla, umuú gaaro gari hhaamiís.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

ESEKIELI 30:16

Yaamaá Misri i daá/ ar asla, Pelusiumu slahh'amaayér ur ga sleér, koo/ír Tebesi ka yaamií daahh, nee gixsár Memfisi ka harasihhiit nee wakusmo tlaatla/ángw /awaák alé.

ESEKIELI 39:6

Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

ESEKIELI 7:8

«Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

SEFANIA 2:2

Dír tundura adór muundáy wá haritleesiiká, dír deelór AAKOÓ MUNGÚ, tidár buhhtaá xaraaslá' nura i hardatká, dír xarasleemaá AAKOÓ MUNGÚ nura i hardihi'iiká.

MALAKI 3:2

Ala heé deelór hardahamaawós ga saqiítl a heemá? Laqaá heé sihhiít inós birna geehhooúy a heemá? Asma inós a slaqsoó asltá heé muqslár kwahhuút, a slaqsoó saabuúnír heé tlabaá hhuuntsiít.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Geehhoeemaá 16:1

Aníng afór ur ngiri axaás baraá Doó Mungú i alé. Afoorí malaykeedá' faanqw gari beér, «Tlawsé', slooqi'iidá' faanqw awa buhhtaá Mungú gawaá daanduú yaamu ti ku'use'.»

Geehhoeemaá 16:8

Malaykamoó tsiyáhh slooqomoowós guri ku'uús gawaá daanduú tsee/ama. Tsee/amá kuri aleesleemií haniís oo muu nguwa da/a/an ar asla.

Geehhoeemaá 6:17

Asma Deeloodá' ur naa hardát ar Mungú nee Deelmoó bee/i sakwasleema kawa tleehhi, nee heé sihhtano ga aleesláw baalaadae a heemá?»