NAHUMU 1:5 - Biblía Axweesantá Hhohho' ar Mungú 2004

⁵ Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

NAHUMU 1:5 Iomraidhean Croise

2 SAMUELI 22:8

«Yaamu niwa daaraxaatiyé' nee nari dingitiyé', iihhafirír doori iri taa/aán, iri /akút as Mungú iwa buúhh.

YOBU 26:11

Mungú bira gahhaát uheemaá doori in daaraxaatiyá' nee in waa/oo/iyá'.

YOBU 9:5

Inós tlom'i gin hingees dír nira kwisliti'iiká, giri fee/ ar xarasleemaá muneerós.

WARA'AMI 104:32

Mungú yaamu birnga i qaytsiít, nin daaraxatiyá'. Tlom'i birnga kwatiít, nay quuiyá'!

WARA'AMI 114:4

Tlom'i nay gáwtí /akumiitiyé' adór gwaanduú wa ale, tlom'aá ninakw nay /akumiitiyé' adór deeloó bee/aangw!

WARA'AMI 114:6

Tlóm'i, kuungá' waáy masa gáwtí /akumité' adór gwaandawér wa ale? Tlom'aá nínakw, kuungá' asma milá masa gáwtí /akumité' adór deeloó bee/ángw wa ale?

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 18:8

Quuír baraá duungawós daahh iri gáwtí tsa/aán. Asla ina baraá afkós wa ti'ít, nee gil'o adór tsángw asla.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

WARA'AMI 98:7

Tlawi ni haratleer nee muruudá' baraawós i diriia, yaamu i daaiye' nee kudá' baraawós wa hootá'.

TI'INAANGW 19:18

AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

ESEKIELI 38:20

Siyoó baraá tlabeemo, nee tsir/ór /akumiit, nee makaá sla/ato, nee ya'a wasleero, dinkwa nee múk baraá yaamu sleémeero ta daraxaat aníng bira ariyé'. Tlom'i ki yaamií hhaaf, nee geetawe nee koo/i sleémeero i yaamií hú'.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

AMOS 9:5

Aakoó MUNGÚ Aleesleemusmo, kudá' yaamu gi kwatiít, niri weeqiyá', nee kudá' sleémeero baraadá' hootá' nay tsuunqumiisiyá', yaamu niri sluufiyá' niri /aaruyá' adór ma'aá yaaér Nili ar yaamaá Misri.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Matayo 28:2

Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 6:14

Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.

HAR'OHUUSE 5:5

Tlom'i niri diingitiyé' dír geeraá AAKOÓ MUNGÚ wa ale, eeít, tloomár Sinai ina diingít geeraá AAKOÓ MUNGÚ, Munguú Israelír wa ale.