NAHUMU 1:2 - Biblía Axweesantá Hhohho' ar Mungú 2004

² AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

NAHUMU 1:2 Iomraidhean Croise

YOBU 20:23

Qoomár bir muruú /aymár guruuwós sadawimiit, buhhtaá Mungú ngun i hardihiyá' tawa adór muruú /aymarós

WARA'AMI 94:1

AAKOÓ MUNGÚ, Munguú li/oó bu'uúm, kuúngudá' li/oó bu'uúm ti laqaan.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 34:14

«Kuungá' munguaá hatlá' i sluufmisuú eera'aaká, asma AAKOÓ MUNGÚ kudá' umuuwós ta bay, ‹Oo da/tá koóm›, inós an Munguú da/tá koóm.

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 42:13

AAKOÓ MUNGÚ ina geerií ti'iít adór pihhusmo, adór slaqwarusmoó slaáqw baraá slaqwaraaro, oo aa /aa/, oo tsee/amiím, inós /uuruuwós gun dír wakuuseerós i laqán.

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

YEREMIA 28:8

Aaruuseedá' dír aníng nee kuunge aa giiriin iimír aange, inooín tana aariirín tawa kaahi, ‹Slaqwara, nee giyeede nee tiqtír pu/ito ni ti'iitiyá' baraá yaamaá daanduú yaariire nee waawuti'iimár /uuruú kooma.›

YEREMIA 3:5

Mungú i buhhaahhína ay alhhe'eesay wasle? I qa/iimaamíti ay alhhe'eesaay?» Adoorí an adór tara axwesé', ala kuungá' tlakweemaá taa qo alesleeri'i ina tlehhé'.

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 50:15

Tsee'é' bihhe sleémeerowo, daxta Babuloni aa ya/a/aán, maraywós kudá' uren naa huuhu'uné', koo/irós ka fee/. Asma AAKOÓ MUNGÚ li/aay gun buu' daanduú Babuloniro. Gimsé' li/aay buaak. Adoodá' inós aa tlehhaahhít tay tlehhe'.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 36:6

«Gawaá adoorihe, aariím daanduú múk Israeliwo, tlom'ii'ín nee gongoamaawo nee kutlo ma'aay nee xatsoowo, ki beer, anuú Aakoó MUNGÚ a kah, ‹An axweés ar sla'aarir'eé' tidá' da/tá koom daanduú yaamuueene, asma yaamuueé' kaa ló'wa /oosliislín nee xoordaá hatlá'.›

ESEKIELI 38:18

Aakoó MUNGÚ i kaahi, «Baldá' Gogu bira haraatláy baraá yaamaá Israeli, aníng buhhtaawo a da/atúw.

ESEKIELI 38:19

Aníng tí an káh ar gwa/aateema nee ar da/i nee buhhtaaeene, asma baalaadae kuunseelír ur i ti'ít baraá yaamaá múk Israeliro.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

MIKA 5:15

Slám ar buhhtaá ure aníng li/aay u buú' gawaá daanduú xoordaá hatlá' kudá' aníng i iialooeemisa'aaká.»

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.

SEKARIA 8:2

«Aníng Siyoni a ló'wa slaá', án da/i iga eér as inós, niri ló'wa xaraásl amór wakuuseerós. Anuú AAKOÓ MUNGÚ Aleesleemusmo tí ngina oó'.

FAARO 25:11

«Finehasi garmoó Eleasari, garmoó Aroni, kaahamusmoó Mungú, buhhtaaeé' gaa har óh dír múk Israeliwo. Baraá tla/angwhunge a inós kilós oo sla'aari aa tliwí/ adór aníng wa ale. An gár múk Israeli sleémeero ngusa hhaamisiiká buhhtaeene.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Rumi 13:4

Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

DABE 7:10

Ala mukdá' sleémeero inós gu ahhiít, muxtaaro i baabaqasiiká.

Ebrania 10:30

Asma inós u xuaán kudá' aa oo', «Li/aay a daanduueé', aníng li/aay u buú'.» Nee aa malé oó', «Aako mukós gu sakwasleemuut.»

YOSHUA 24:19

Ala Yoshua mukdá' guri báy, «Kuungá' AAKOÓ MUNGÚ sagadiyede u asleera'aaká, asma inós a Munguú hhoohhoó'. Slám a Munguú da/itá koóm, nee inós tlakweemaahúng nee dakumisuhunge gi gurtlayká.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,