MIKA 7:8 - Biblía Axweesantá Hhohho' ar Mungú 2004

⁸ Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

MIKA 7:8 Iomraidhean Croise

YOBU 31:29

«Xáy, aníng aga qwalaá/i as wakusmooeé' iwa slahhaá'? Laqaá aga daara/uúti qoomár inós gár tlaakw nguwa sleér?

WARA'AMI 112:4

Heé hhoó' gwa/aateema ngun i gwa/aatiyá' baraá giwtírí alé, inós i gurtleemuú kón nee gurhhooa nee gan'amu.

WARA'AMI 143:3

Heé wakusmo án i aluú wa alkón, án iga dalaá/ ar yaamu, iga óh, iri tseék baraá giwtírí ale, adór mukdaádá' aa qaatl iimír qarooro.

WARA'AMI 20:8

Múk adór kwí ta dukuuts nee tay huuhu'ún, ala atén an sihhiitaán tari /atlaán.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 35:19

Aníng bar gurhaamuút ma ya/aamaar wakuuser'eé' án iwa waaqaseen. Kuká' aníng i tawo ahhiitá', slahh'amaayer'eé' mingiwa saqwalaa/iyé'.

WARA'AMI 37:21

Heé tlaákw gaa binga kiriík, ga buiiká. Ala heé hota ganaá' gurhhooa tinar hanmiis.

WARA'AMI 37:24

Heé adoorí tim nikiitsi i huuiiká yaamií ale, asma AAKOÓ MUNGÚ inós gun oh ar dabaawós awa kilá'.

WARA'AMI 38:16

Án kuúng u firiím, «Wakuuser'eé' miwa qwalaalá/ as slahh'amueé', mitiwa xirfayeesiyé' daanduú huu'umaeene.»

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 97:11

Heé hhoó' gwa/aateema ngu i gwa/aatiyá', múk tsaén baraá muner'ine tay qwalalaa/.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 49:9

Kudaá baraá tseegamo kiwa bay, «Ti'iitaré' baraá doó tseegamooro.» Awa baraá giwti kiwa bay, «Qwalaas amór gwa/aateema.» Umuú diiro muruú /ayma i deer, tam gawaá sagér tlom'aá kaaharene muruú /ayma i deer.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

YEREMIA 48:27

Múk Moabu kuungá' inslawiimé' adoodá' múk Israeli kura waaqasaseendé'. Tam inooín kaa al'ohinkahe dinkwa nee fisuuse, ala qoomár bar daandeemaín axwesá' an hara sagerhúng mumukuumisá'.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

YEREMIA 8:4

Kuúng Yeremia muksíng baweek, AAKOÓ MUNGÚ i kaahi, «Qoomár hee bira huú', i malé sihhiitiikáhe? Hee bira qwaár, xáy i baraá loohirós tidá' i ki/iikáhe?

ESEKIELI 25:6

«Anuú Aakoó MUNGÚ a kah, As kuungá' tsa/i kiwa slahhé', tari ni/iindé', nee tari bar/é' as yaamaá Israeli,

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

ESEKIELI 36:5

«Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

OBADIA 1:12

Ala geeraawo deelór hhaeehúng niwa isaa qeqtiné' ana i qaytsiti'iiká, nee ana qwalaala/i'iiká, nee slám qwanoó múk Yuda una waaqasesendi'iiká tam deelór slahh'amuuín ana ar laahhandi'iiká.

MIKA 4:10

Kuungá' múk Yerusalemu, kumiité' baraá slahh'amaayeero nee /ifooro, adór /ameenír xwayla. Asma daxta kuungá' a ti'itá' baraá gixsaro, tari hotaá eerá' baraá tsee/aá /awaak. Aqo an yaamaá Babulónírí hardatá'. Ala amoodae kuungá' tundu tuu/ AAKOÓ MUNGÚ kuungá' nu ba/amis, nuri baraá dabaá wakuuserhúng wa gweer.

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

2 korinto 4:9

Atén ti slahh'eemiis, ala taa hhaamisiiká, nee slám taa yaamií daraáhh, ala taa tsu/iiká.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.