MIKA 7:3 - Biblía Axweesantá Hhohho' ar Mungú 2004

³ Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

MIKA 7:3 Iomraidhean Croise

AXWEESANOÓ SAGALOOA 16:30

Heé kutliím ar iltós tlehhma'aá tlakw gin qoomeemees, nee heé afaa kaahaár gár tlaakw ngi huuw.

AXWEESANOÓ SAGALOOA 17:23

Heé tlaákw slukuma gan oh ar naaqo, as kahhó' tlehhmuú ganaá' oo hee kuwa warqeesi.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 3:5

Nee muu tiri kilooín baramaanuus, umuú heewo nee mulqumoowós, umuú heewo nee inslaawmoowós. Masoomo iri saga gawduú tleehh dír baabuúwose, nee heé daqaatlaákw dír geeraá heé ilaiwa/amér koóm.

ISAYA 32:7

Al/aymár al/aymuuse ka tlaakw, inooín tlakweema ngin ado warqeemisiyá', as kahhó' narkutmo nguwa qwaareesiya' ar lamtaín, tam geeraawo gadaádá' narkutmo i slai i qoonda.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

YEREMIA 3:5

Mungú i buhhaahhína ay alhhe'eesay wasle? I qa/iimaamíti ay alhhe'eesaay?» Adoorí an adór tara axwesé', ala kuungá' tlakweemaá taa qo alesleeri'i ina tlehhé'.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 22:6

Geeraharuusér Israeli tidá' baraawók i dirii', umuú heewo in tsu/uut ar adór inós i aleeslay.

ESEKIELI 34:21

Kuungá' bee/ángw slaqo tlákw un amoqár saáw i gusisiindá', nee un difá' ar xareemiihúng, nee sleémeero ugwa diya/é' amór saáw i ale.

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

HOSEA 4:18

Inooín a adór múk aa xufiit, sleémeero naa kilooín /eetiyé' baraá fuqi muruú gi mureekeemiís ngu slaiyá' ta muruudá' gi xirfayeesa.

HOSEA 7:3

Waawutmo ngun qwal/amisiyá' ar tlakweemaaín, nee muk'ín oo urén ar foluuín.

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

MIKA 2:8

Aako múk adoorí káh, gu babay, «Kuungá' muk'eé' un hara/uuntsiitsiindá' adór wakuuse. Múk naa baraá slaqwarár wa waatl kawa xui amohhooa i deer, laatí kuungá' in daamaraandá' kiwa inqwar hayota'.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 3:2

Kuungaásingá' muruú hhó' ngu ahhiitá' nee muruú tlákw sla'á', kuungaádá' kadaá múk daqá' nee fu'unaá baraá faduuín,

Matayo 26:15

Iri oó', «Án barnaxes ngu dirhúng i sakií/, gár ni hanisa' a milá?» shiliíngi mibeeri tám kay dirósí haniís.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.