MIKA 7:18 - Biblía Axweesantá Hhohho' ar Mungú 2004

¹⁸ Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

MIKA 7:18 Iomraidhean Croise

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

2 QOM'I 30:9

Kuungá' barnaxes aga ki/é' amór AAKOÓ MUNGÚ, Munguúhúng, hhaeehúng nee na/iihúng kingi gurtláy nee niri ki/iyá' baraá yaamuuhúng. Asma AAKOÓ MUNGÚ, Munguúhúng, ku hhoó' nee i gurtleemuú kón, inós kuungá' nu ilaaoh bura i ki/é'.»

2 QOM'I 6:21

Firor'eé' iiárií qaaseek, nee firór mukók Israeli iiárií qaaseek, qoomár bar gur'er'ín ngaa amoorí xu'usiyé'. Firoorén iiárií qaaseek gawaá doorí wa ale didár hotaawók, ti iiárií qas nee ti gurtleer.

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 35:10

Aníng AAKOÓ MUNGÚ nguri baw ar muunaáeé' sleémeero, «AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.»

WARA'AMI 65:3

Bar har tlakweemaaine, tam dakumisuú yaariír tir ba/aaba/i, kuúng dakumisuurén un gurtleér.

WARA'AMI 65:4

Heé amohhoó' an kudá' kuúng taa tsawát, nee kuri dahi'ís iwa hooti didár hotaawók wa ale. Ar hhoeemaá do'oge atén aga yaandahhe'eesaán.

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

WARA'AMI 89:8

AAKOÓ MUNGÚ Aleesleemusámo, a heemá oo /uuruú koóm adór kuúng wa ale? Kuúng a inkihhimuú koón dír umuú gaaro.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 33:24

Baraadae heé oó', «Aníng a tiíq.» i kaahh, múk baraadá' wa hoót tlakweemaaín sleémeero ki gurtláy.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 57:10

Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

ISAYA 65:19

Aníng Yerusalemu an saqwalalaá/, nee muk'eé' un sabaraá/. Baraadae afór tsuunqumis ka baloó axasiiká, nee /aa/aá slahh'amaaye i baloó ki/iaaká.

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 3:5

Mungú i buhhaahhína ay alhhe'eesay wasle? I qa/iimaamíti ay alhhe'eesaay?» Adoorí an adór tara axwesé', ala kuungá' tlakweemaá taa qo alesleeri'i ina tlehhé'.

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

YEREMIA 33:8

Aníng tlakweemaaín kudá' naa aníngií tlehhaahhitiyé' in hheehhe'eés dir'ine, aníng tlakweemaaín kudá' sleémeero aníng iwa aahhiyé' in gurtláw.

YEREMIA 38:8

Naagáy Ebedmeleki iri tláy ay dír waawutmo guri báy,

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

ESEKIELI 18:23

Xáy, anuú Aakoó MUNGÚ gwa'arár heé tlaákw aqo saqwalaá/a? Aasla'áy a saqwala/aaká. Aníng gár ni slaa' masók inós luhuuwós kudá' tlakw gin máy, as iwa slafi.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 33:16

Tlakweemaawós kudá' sleémeero aáng aa tleéhh ki inslayká daanduuwós i ale, asma inós tidá' hariim nee hhoo' gaa tleéhh. Gawaá adoorihe heewí in hoot.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

HOSEA 14:5

Aníng dír Israeliwo an adór hara' tleehhiít, inooín niri /ayuusiyá' adór /ar/aanti, dee/áruuín nguri kiki'iyá' adór fuuntsáruú gartá Lebanoni.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

AMOS 7:8

AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.