MIKA 7:14 - Biblía Axweesantá Hhohho' ar Mungú 2004

¹⁴ Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

MIKA 7:14 Iomraidhean Croise

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

DAA'AANGW 4:1

Ga/aaweek, sla'aaruso'or'eé', kiíng ti ló'wa hhoohhoó', sla'aaruso'or'eé'. Ti ló'wa hhoohhoó', ilaawók baraá sheélaro a adór kuqaá hhooki, Se'eengók a adór daqtá aara ar /e/etiim gawaá tloomár Gileadiro.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 37:24

Kuúng sagadiyuuse ngina ya/áb as anuú Aako iwa niqina', kuúng ana ó', ar gaarduueé' kuká' yaariire, Aníng an tsa/ám ay gawaá sagér tlom'i, ay gawaá tsitsenaá tloomár Lebanoni, sahhtaarós tidá' tledaadet an daraáhh nee misunobarirós tidá' ló'wa hhohhoe, niri hardáh ay gawaá tsitsenowós, nee baraá gartós tidá' ur.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

YEREMIA 49:31

Tlawsé', haratlawé' amór xooroodá' diihhooár ar hoot nee ar saxareemár hoot. Anuú AAKOÓ MUNGÚ tí ngina oó'. Xooroorí i afér gixsadaá koondaaká, laqaá hhaftuú muqsla, inós a xoorór kilós hoot.

WA/AA/I 1:7

Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

WA/AA/I 5:21

Aá AAKOÓ MUNGÚ, atén ti amoorók i ki/is, daqaní atén ni ki/aán, atén ti adoodár aáng i ki/is.

ESEKIELI 36:11

Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

TLAHHOÓ LAÁWI 27:32

Qoomár hikwa faarooro umuúqo slér mibaangw kaa paraátl as AAKOÓ MUNGÚ.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

OBADIA 1:19

Nee múk Negebu tloomár Esau kari aal, múk Shefela yaamaá múk Filisti giri aal, inooín yaamaá Efraimu kiri aal, nee yaamaá Samariaro, nee yaamaá múk Benyamini múk Gileadi giri aal.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 10:10

Slám ngi male ki/ís baraá yaamaá Misrír wa ale, ngiri burumbuúr iimír yaamaá Ashuru wa ale, ngiri huuw ay Gileadi nee Lebanoni, inooín yaamu sleémeero ngiri dalaa/iyá', tam dír hota iri qwát.

SEKARIA 11:7

Aníng niri de'eemusmoó bee/angwdá' ta tsu/tár ay tleehhiít daanduú mukdá' gu tlaxuúm wa alé, hhadaá tsár ngiri taataáhh, ar wák a «gurtleemu» nee ar tsár a «wakleelu'uuma» aníng niri bee/ángw de'éngw áw.

MALAKI 3:4

Qoomaadae ilahhooár múk Yuda nee múk Yerusalemu AAKOÓ MUNGÚ guri sla'atís, adoodár bál qaro nee adór kureeraá aáng.

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

FAARO 32:4

kuká' AAKOÓ MUNGÚ aa hayóh as múk Israeli, a yaamaá qawtantá hikwaá wa hhoo', ateékaá sagadiyuuseerók hikwa i koomaán.

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Yohana 17:16

Inooín awa yaamuuwooká, adoodá' án tar heé yaamuuwooká.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.