MIKA 6:9 - Biblía Axweesantá Hhohho' ar Mungú 2004

⁹ Heé sagaloó' a kudá' AAKOÓ MUNGÚ gu ilaiwawaá/. Afór AAKOÓ MUNGÚ múk baraá gixsár Yerusalemu gu i /aa/amiín, i kat, «Iia qaasaak, kuungá' múk baraá gixsár Yerusalemúr wa burumburimitá',

MIKA 6:9 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

YOBU 10:2

Mungú un baw, «Án mi sakwasleemutaar, ala na xu'utisáng gár án nee kuúng tis tlampa'amisaan.

YOBU 23:14

Asma tidá' inós aa qoomeés daanduueene ga boo/ees, nee muruú yaariír oo baraá inslawaywós i diriia'.

YOBU 5:17

Heé amohhoó' a kudá' Mungú i naanaqan, gawaá adoorihe, naanaqtá Munguúdá' /uuruú koóm ma waaqa'aar.

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

WARA'AMI 48:10

Aá Mungú, umuuwók aa xu'utiít, ku xirfayeemiis baraá yaamu sleémeero. Dakók oo doó /iyayhe an baaliliín.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

AXWEESANOÓ SAGALOOA 22:3

Heé sagaloó' bar gár tlaakw ngaa ár in goow iri nahhaat. Ala heé iimiboó/ in amoodá' i hi'iit, slahh'amuudá' guri /aay.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 30:27

Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 66:6

Áx gimsé' iia qaasaak, tsimaahhi i baraá gixsa. Afo i baraá doó Mungú, afór AAKOÓ MUNGÚ wakuuseerós ngiwa li/áy bu'un.

ISAYA 9:13

Tam muu gwaa muxi, ala taa amoorós i ki/iiká, AAKOÓ MUNGÚ Aleesleemusmo sleeme ngwa leelehhi'iiká.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 47:7

Ala adór tsauuwa ngir aleesleer, qoomár AAKOÓ MUNGÚ bar ngaa gadiyeédií sláy. Daanduú gixsár Ashkeloni, nee yaamaá afaá tlawi, amoodá' ngay tleesi.»

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

MIKA 6:10

Xáy, baraá maraá múk tlakwe daqaari'iimár taa sláy ar qoomoó al/ayma i kumitkáhe? Asma xosluudá' tar qoomeemesi a xoslaá al/ayma, kudá' aníng naa aáhh.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

SEFANIA 3:2

Múk Yerusalemu AAKOÓ MUNGÚ gwa iiárií qaasiiká, tam gurbu'ungw'ín ngwa ya/ani'iiká. Tam Munguúín ngwa baloó haratlinti'i'iiká, slám ngu firirina'aaká.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.