MIKA 6:7 - Biblía Axweesantá Hhohho' ar Mungú 2004

⁷ Xáy, AAKOÓ MUNGÚ gwaandaawér kume gu sla'atísa? Laqaá ku sla'atísi nee di/oó wa/amiím adór ya'aá kumér mibaangw? Laqaá na/ay'eé' oo baris un haniísa as dakuúsar'eé'? Xwaylár slaqwte'eé' an haniísa as bu'utuú tlakweemaaeé'?»

MIKA 6:7 Iomraidhean Croise

2 WAAWITÁ 16:3

Ala inós tlehhma'aá waawituú Israeli gina eehár. Inós sleeme tam na/aywós guna ilahhooár da/tá wa haniís. Inós tleehhmuudá' ta waki oo xoordá hatlaá' kudá' AAKOÓ MUNGÚ aa guús geeraá múk Israelír wa ale guna tleéhh.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

2 WAAWITÁ 3:27

Na/aywós oo baris kudá' geeraawo waawuti'iím kitaangós wa ale, guri ilahhooár da/tá wa haniís gawaá koo/ír gixsa. Múk Israeli adoodá' ngiwa ár kiri ló'wa buhhtís. Gixsadá' ngiri geexayé', niri ayaaín i watliyé'.

YOBU 29:6

deeloodá' ya'aaeé' ngiwa hamtlaatliit ar ilwa, nee duxér di/i niwa amór dooeéní wa/amiin baraá tla/ú wa ale.

WARA'AMI 50:9

Awuú baraá guruú do'ók u yaahasaaká, tam gurtuú baraá matla/aangók sleeme.

WARA'AMI 51:16

Asma tu sla'atisiká nee ilahhooár muruú ta tsu/i tam ngi duuxa, kuúng u qwal/atiská ar ilahhooár ta da/aa/an.

WARA'AMI 51:18

Siyoni hhooeemií tleehheek ar gurtleemuuwók, koo/ír Yerusalemu tleehheek.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 40:16

Xaa'aá Lebanoni nee makaydaá Lebanoniro sleémeero i bu'uutiaaká ilahhooár da/ato.

YEREMIA 19:5

Kitángw ilahhooa oo mungú ta bay Ba'ali nguri tleehhiyé' as na/ii ngiwa da/aa/ana' adór ilahhooár da/a. Aníng adoorí aga hara'ayimiiká, laqaá iga kaangwí bawiiká, laqaá tam adoorí aga aldakwiiká.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.

ESEKIELI 23:37

Inooín nina fuqusiyé' nee naa tsu/uutiyé'. Tsaatu'uuma ngaa tleehhiyé' dír slaqsi'idaá munguaá hatlá', nee na/ii'ín kudá' naa aníng i laqwaaliyé' ngina ilahhooár wa hanisiyé' dír slaqsi'iidá'.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

TLAHHOÓ LAÁWI 20:1

AAKOÓ MUNGÚ Mose guri báy,

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

Filemoni 1:12

Hamí ngun ki/ís amoorók i alé inósuú kilá', nee inós a adór muunaáeé' oo kilá'.

HAR'OHUUSE 11:31

heé naa geerií al'awin, aníng qoomár binda baraá slaqwarár wa waátl, nee múk Amoni ugwa baál, kwí an kók, AAKOÓ MUNGÚ, aníng ngu ilahhooár da/tá wa haniís.»

HAR'OHUUSE 11:39

Alaá slahheeraá tsár niwa waaraahhiyé', iri amór dó' i wátl. Baabuúwós al'axweesantós gari boo/eés ar adoodá' ngira axweés. Dasiirí nee hhawaata taa alqaatiiká. Iimír qoomaadae dakwí iri iimu/ún baraá Israeliro.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.