MIKA 6:6 - Biblía Axweesantá Hhohho' ar Mungú 2004

⁶ «Aníng gár ni huuw a milá birni dír geeraá AAKOÓ MUNGÚ káw as Munguúdá' gáwtí dirií' nguwa i tumbarara'aat? Xáy, gár ni huuw a tsa/eetaá naa sangw /oní'i? As ngiwa ilahhooár da/tá wa haniis.

MIKA 6:6 Iomraidhean Croise

2 SAMUELI 21:3

Daudi múk Gibeoni guri yaahaás, «Gár nuy tleehh a milá? Tlakweemaadá' tunduy tleéhh gár ngir buu'. As kahhó' yaamuuká' nee muk'ín kuduú AAKOÓ MUNGUHE kiwa tsuqa'.»

WARA'AMI 116:12

AAKOÓ MUNGÚ gár ngur buu' a milá, as muruudá' hhó' oo naa aníng i tlehhaahhiti?

WARA'AMI 22:29

Múk daara/uuse sleémeero baraakaá yaamuwo i tumbarara'aat dír geeraawós, tam kudá' sleémeero qatlá' nee kudá' slafingw'ín /iisaro ngu aleeslawa'aaká, ta tumbarara'aat dirós.

WARA'AMI 95:2

Qwalaasé' a daqawán geeraawós ar ilahhooár sluufaay, qwalaasé' a daa'aán amoorós i ale ar afór qwal/uwo aa hats ar daa'ángw xirif.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

ISAYA 40:16

Xaa'aá Lebanoni nee makaydaá Lebanoniro sleémeero i bu'uutiaaká ilahhooár da/ato.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

ESEKIELI 46:9

«Muu birna AAKOÓ MUNGÚ sluufmisuú áy qoomár deelór urene, mukdá' naa dah ar afkú do' oo bihhaá /iya, i ti'iiti ar afkú bihhaá basa, nee kudá' naa dahiye' ar afkú bihhaá basa ni ti'iitiye' ar afkú bihhaá /iya. Hee miwa kií/ ar afkudá' nira dáh, ala aqo in ti'iit ar afkudá' amór geeraawós i dirií'.

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

DANIELI 4:9

Aá Belteshasa, kuúnguduú qwaslaarmoó úr dír qwasleeriwo. Aníng a xuú' adór qeeruú munguiidá' hhohho' ir baraawók, nee a xuú' adór naaqór ta waagwetká ir káhh. Gaarí an tlataaeé', kuúng dir'eénií waagweerang.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

FAARO 7:51

nee awuú wák oo batlitamo, nee gwaanduú wák, nee deelmoó gwaanda oo kurkú wák.

Matayo 19:16

Aluuwo heeko wák ina hardáh dír Yesu, guri báy, «Intsaahhatusámo, gár hhoo' ar ni tleehh a milá as slafíngw alhhe'eesay wásl nguwa slaw?»

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Luka 10:25

Aluuwo intsaahhatusmooko hara'ayár Mose ina sihhiít, Yesu guri yaahaás ar iiara, iri oó', «Intsaahhatusámo, adór ni laaq a adoomá ar slafíngw alhhe'eesay wásl ngur aal?»

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

Tlehhema'aá ya/Abuuse 16:30

Paulo nee Sila ngirirar ti'iít tsee/áy alé, iri oó', «Bariíse, aníng adór ni laaq a adoomá ar nir ba/am?»

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

Efeso 3:14

Gawaá adoorihe gaarí an gár Baabá án ngusa i tumbarara'aát nguri firiiriím.

Ebrania 10:11

Umuúqo kaahamusmoó Munguhe gadiyeérós gan tlehhahhiit umuúqo deelooro ar ilahhooadár muruú ta tsu/i ngiwa hanmaamisi umuúqo daqto. Ala ilahhooarí tlakweema hingeesaro gi baloó aleesleeraaká.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.