MIKA 6:5 - Biblía Axweesantá Hhohho' ar Mungú 2004

⁵ Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

MIKA 6:5 Iomraidhean Croise

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

WARA'AMI 143:11

AÁKO waáy, án alee/iisáng ar adoodaádá' kuúng kara ó', ar gan'amuuwoge án tu/áng baraá slahh'amuuwo.

WARA'AMI 36:10

Sla'aarirók ar warqawaaká alkoomeek dír kudá' kuú xuá', nee ba/amarók i dír kudá' hota ganaa'á' baraá muner'ine.

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

FAARO 22:41

Matloowose Balaki Bala'amu guri ar tsa/án ay amór Bamot-ba'ali, amoodae Bala'amu múk Israeli guri bahh ár.

FAARO 23:27

Aluuwo Balaki iri oó' dír Bala'amu, «Qwaláng, u huúw amór hatlá', dooqa Mungú i ya/án amoodae mukwí ku lu'ús as daanduueé'.»

FAARO 25:1

Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

FAARO 31:16

Iinslawiimé' adór /ameenarí kángw Bala'amu ngura iiárií qás, múk Israeli nguri al/ayiyé' amoodár Peoriro, AAKOÓ MUNGÚ nguri si'iyé', múk AAKOÓ MUNGÚ tiqtír pu/i guri uhiín.

FAARO 31:8

Baraá múk taa tsu/i oo kooán a waawituú Midiani. Waawitaadá' a kwí: Efi nee Rekemu, nee Suri, nee Huri, nee Reba. Bala'amu garmoó Beori sleeme kuna gaás.

FAARO 33:49

Xafay'ín kuna baraá xatstá Moabú i tleéhh iisaapoó yaaér Yordani tla/ángw Bet-yeshimoti nee xatstá Abel-shitimu.

Efeso 2:11

Gawaá adoorihe inslawiimé' kuungá' a múk adoomá aáng. Qoomaadae kuungá' a múk xoordu baraá tlahhaywo. Mukdá' taa al/utlín kuungá' nun babáy, «Múk taa al/utliiká».

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 23:6

Gawaá adoorihe, baraá hotaahúng sleémeero kuká' mi baloó alee/isaara' as wayda nee diihhooa ngiwa slaya'.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 3:1

Looaytleérós matlaatlér boo/e Yoshua nee múk Israeli sleémeero, tana dír xaa'aá ta bay Shitiímúr wá tláy, nari hardihiyé' ay afaá yaaér Yordani, nari didií deelo tlaatla/iitiyé' dír nira waaraahhii'iiká.

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.

2 Petro 2:15

Inooín loohidá' ganaa' kaa geexáy, tari qwaár. Asma loohír Bala'amu kana eehár, garmoó Beori. Inós gár ganaa'aaká gana tleéhh as peésa ngiwa slay.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

HAR'OHUUSE 11:25

Xáy, kuúng a tsiníhe ta Balakiwo garmoó Sipora, waawutmoó múk Moabu? Inós nee múk Israeli taa tlampa'asi'iiká laqaá taa muxi'iiká.

HAR'OHUUSE 5:11

Afór boo/oó muu oo dír hhaleerí iiárií qaasaak, arba/atír AAKOÓ MUNGÚ ngin alki/iitiyá', nee arba/atír doosluuseerós ar Israeli. Aluuwo múk AAKOÓ MUNGÚ niri baraá gixsar'ínií /eét.

1 SAMUELI 12:7

Gimsé', sihhiité' diisír kilá', as kahhó' AAKOÓ MUNGÚ sakwasleema ngiwa tleehhi tla/ángw aníng nee kuungae, nee aníng tlehhma'aá ba/ama awa AAKOÓ MUNGÚ ngi dirhúngí alki/iít kudá' aa tleéhh dírhúng nee dír baabi'iihúng.