MIKA 6:16 - Biblía Axweesantá Hhohho' ar Mungú 2004

¹⁶ Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

MIKA 6:16 Iomraidhean Croise

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 9:8

Ala do'owí iri taanguut, aluuwo tam umuúqo heé waaraahha iri kwisliit guri niqimis. Inooín tari ooi, ‹Ahaá a milá? Gár AAKOÓ MUNGÚ ayaawí nee do'owí ngisa adoorí laáq?›

2 WAAWITÁ 16:3

Ala inós tlehhma'aá waawituú Israeli gina eehár. Inós sleeme tam na/aywós guna ilahhooár da/tá wa haniís. Inós tleehhmuudá' ta waki oo xoordá hatlaá' kudá' AAKOÓ MUNGÚ aa guús geeraá múk Israelír wa ale guna tleéhh.

2 WAAWITÁ 21:3

Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

2 QOM'I 22:4

Inós tlakweema gina tleéhh dír geeraá AAKOÓ MUNGUHE, adoodá' múk doó Ahabu aa tleéhh. Asma alaá baabuúwós iwa gwaá', múk doó Ahabu tari hara'ayuuseerós as iwa qwaari.

2 QOM'I 34:25

Asma aníng ina geexayé', munguaá hatlá' ngay mooyángw tsuú' i da/iyé', aníng iga buhhtisiyé' daanduú gadiyedá' naa dabaaín ar tleehhii'i. Gawaá adoorihe aníng yaamuuká' i ii daa/atúw buhhtawo, heé i har'óh i kaahh.›

WARA'AMI 1:1

Heé amohhoó' a kudá' axweesantá múk tlákw ga iiárií qamimaaká, slám i tlakuusér eeharahariiká, laqaá aa iwiitiiká dír dinku'uumár múk niquuse.

WARA'AMI 44:13

Atén tina niqís dír ilaá inslaawayrene, tiri waqaseengw tleéhh nee waqa'ama dír kudá' atén taa harweeriye'.

WARA'AMI 44:14

Adór múk xoordu tiwa waaqaai ana tléhh. Inooín sager'ín ngin mumukumisiyá' as atén tiwa gaárí xuiiká.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 9:16

Mukdá' mukwí gwa intsaahhatimis, nguna hhitiné', tam kudá' taa geeraharahaár nee inooín sleeme tari qwaár.

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

ESEKIELI 39:26

Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

HOSEA 12:14

Múk Israeli AAKOÓ MUNGÚ gwaa ló'wa buhhtís, ala gawaá adoorihe tseerduudá' naa ku'uumamisiyé' gi gawaaíní ki/is, li/ayduú /osliislingw'ín gu gawaaíní buu'.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

MIKA 2:6

Muu aníng in babay, «/Aymi'iisíng awa sakwasleema mingi atén babawaar, kangwsíng ta kat mu alki/iitaar. Asma Mungú atén ti mureekeesiiká.

MIKA 6:13

Ga/aawaagáy, aníng kuungá' naa qaroó iimu/uúm muxtaaro, nee nu gaárí geexawaaká, asma tlakweemaahúng.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.