MIKA 6:10 - Biblía Axweesantá Hhohho' ar Mungú 2004

¹⁰ Xáy, baraá maraá múk tlakwe daqaari'iimár taa sláy ar qoomoó al/ayma i kumitkáhe? Asma xosluudá' tar qoomeemesi a xoslaá al/ayma, kudá' aníng naa aáhh.

MIKA 6:10 Iomraidhean Croise

AXWEESANOÓ SAGALOOA 10:2

Daqaari'iimár taa sleér ar /ayta hee gu gaa wa bu'ká, Ala gan'amu hee gu tuu/ baraá gwa'araro.

AXWEESANOÓ SAGALOOA 11:1

Qoomoó al/ayma AAKOÓ MUNGÚ gu waak, Ala qoomoó alqoóm inós gu sla'atamís.

AXWEESANOÓ SAGALOOA 20:10

Kílór ta múkár al/agin nee xooslomoó qoomeemees oo ta múkár al/agin, AAKOÓ MUNGÚ xosluuká' tsaraawo gi waak.

AXWEESANOÓ SAGALOOA 20:23

Qoomoó al/ayma AAKOÓ MUNGÚ gu waak, tam qoomoó ta múk ar al/agin i ganaaiiká.

AXWEESANOÓ SAGALOOA 21:6

Daqaari'iima bara sleér ar lama, a adór quuír ta ufaáhh slám a xotloompír gwa'ara.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

MIKA 6:9

Heé sagaloó' a kudá' AAKOÓ MUNGÚ gu ilaiwawaá/. Afór AAKOÓ MUNGÚ múk baraá gixsár Yerusalemu gu i /aa/amiín, i kat, «Iia qaasaak, kuungá' múk baraá gixsár Yerusalemúr wa burumburimitá',

SEFANIA 1:9

Baalaadae muu sleémeero kudá' munguaá lama ngi i tumbarara'amiitá' un muúx, kudá' doó aakooín ngu hatsmiisá' ar muruú tinda /awaa/awín nee oo fiiso.»

SEKARIA 5:6

Aníng nguri báw, «Gaa a milá?» Inós iri oó', «Gaarí a lakwaantidá' tlakweemaá yaamu sleémeero gi koom.»

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.