MIKA 5:7 - Biblía Axweesantá Hhohho' ar Mungú 2004

⁷ Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

MIKA 5:7 Iomraidhean Croise

2 SAMUELI 17:12

Atén Daudi un leelehhaán umuúqo dír i dirii'i, nguri i huuaán adór hara' ir yaamií huuhuaín. Heé meét i kaahh, inós nee mukós kudá' sleémeero dinkwárí diria'a.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 72:6

Inós ni aweeri adór tluwaay gawaá tsaaroó taa tsaát, adoodá' baafáy ir baafi gawaá yaamií ale.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

ISAYA 32:15

Adoorí in kumaamít ay dír qeeruú Mungú kunguy gáwtá wá ku'uusi gawaaréní alé, daqaní xaanxaay iri warqáy tawa qaymór balángw hamaaremiis, nee qaymór balángw hamaaremiis iri darma tleehhít.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 55:10

Asma adoodá' tluwaay nee tlaa/aá tluwaywo, ir gawaá doorí wa tluwiya' niri gáwtí ki/iaaká ala aqo yaamu gin naa/amiis, yaamu sla/a ngiri duuxiyá' iri urareér. Heé dahasiím dahaasiingw guri sláy nee muruú /aymaro.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

ESEKIELI 14:22

Ala tam adoorihe, barnaxés múk niiná i slafíngwí meet, na/ii'ín awa daaqaay nee awa dasuuwo ngiri amoorók i huwiyé', Esekiéli, kuúng aqo tsáhh adór kir tlákw ló'wa ale, tari ya/aán adór sakwasleemarír daanduú Yerusalemu ir hariín.

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

ESEKIELI 5:5

«Anuú Aakoó MUNGÚ a kah, Aníng gixsár Yerusalemu a gixsár afhhamít tleéhh baraá yaamuwo, nee xoordaá hatlá' awa bihhe sleémeerowo ngiri slaiyá'.

DANIELI 11:32

Mukdaádá' alqadoodá' hhohho' gaa sii' gun afa /aasl. Ala mukdá' inkihhimú koóm dír Munguúine tan sihhtano hhe'ees, ado kay warqees.

HOSEA 14:5

Aníng dír Israeliwo an adór hara' tleehhiít, inooín niri /ayuusiyá' adór /ar/aanti, dee/áruuín nguri kiki'iyá' adór fuuntsáruú gartá Lebanoni.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Tlehhema'aá ya/Abuuse 11:15

Aníng axweesani ngiwa adoorí wa iimu/uúm, Qeeruú hhoohhoó' oo Mungú ina gawaaín i aweér, adoodá' iimu/uungo nira gawaarén i aweér.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 16:9

Paulo xweeraawo iigu'utu guri ár. Heé yaamaá Makedonia guna ár, i sihhimiit, i Paúló babay, «Waaraahháng amór yaamaá Makedonia, atén ti alee/isár eer.»

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

Rumi 11:12

Huu'umaá múk Israeli tsuuqaá yaariir ngaa huwiyé' dír múk baraá yaamu sleémeerowo. Nee as adoodá' múk Israeli iwa /aarúy, múk xoordaá hatlá' tsuuqa gay sláy. Ala gawaá adoorihe, faarór múk Israeli bira bó/, tsuuqa daqaní ki ak ló'wa ur.

Rumi 9:30

Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao.

1 Korinto 3:6

Aníng ana dahaasiím. Apolo ma'aay gina eemiís. Ala heé aa ureemiis a Mungú.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

HAR'OHUUSE 6:36

Gideoni Mungú guri báy, «Barnaxés kuúng múk Israeli u tú/ ar dakw'eé' adoodá' kara ó',