MIKA 5:6 - Biblía Axweesantá Hhohho' ar Mungú 2004

⁶ Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

MIKA 5:6 Iomraidhean Croise

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

1 QOM'I 1:10

Kushi ina laqwaál Nimrodi kuduú migusmo baraá yaamuwo.

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

YOBU 29:22

Alaá axweesante'eene heé aa kii/ i kaahh /aymu ooaro, nee axweesante'eé' umuú heewo gu sleér adór tluwaay.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 72:6

Inós ni aweeri adór tluwaay gawaá tsaaroó taa tsaát, adoodá' baafáy ir baafi gawaá yaamií ale.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 14:25

As adoorí aníng xoorór Ashuru a hhitiím baraá yaamueene, in yaamaá hara'adáh gawaá tloomar'eé' wa ale. Taaqwanay'ín gawaá isaá muk'eene un kwaáhh, tam huwar'ín an hiingeés gawaá sum'aá muk'eene.»

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 37:37

Naagáy waawutmo Senakeribu oo Ashuru iri tláy, iri waátl, iri Ninewír wa hoót.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

NAHUMU 2:11

Gár múk gixsarí gu slaw a milá? Inooín ki saxamaár baraadae, ta direeraá /uureemaá kooma'a awa baraá mar'i. Kudá' hee i baloó qitliiká gwarangwarto.

SEFANIA 2:13

Inós dakós gun gáwtí tlees bihhaá /iya, múk Ashuru guri hhaamiis. Gixsár Ninewi gan deewa'atis tay dír kaahaar adór xaanxaay.

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

Luka 1:71

tiwa ba/amisi dír wakuuseerene nee baraá dabaá kudá' sleémeero atén ti ahhiita'a.

Luka 1:74

nee tiwa gweeri baraá dabaá wakuuseerene, nee kuwa sagadiyuusaan ar dae wasle,

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.