MIKA 4:9 - Biblía Axweesantá Hhohho' ar Mungú 2004

⁹ Waáy, kiíng ma har tsimaahhús? Ahaá, waawutmoowók i káhhi? Hara'ayusmoowók aa qwaári? Nee slahh'amaaye iga óti adór slahh'amaayér asltá xwayla?

MIKA 4:9 Iomraidhean Croise

ISAYA 13:8

Inooín niri amoqwaariyá', niri dae feehhamiitiyá' nari /araaraná', slahh'amuú yaariír gi sláy adór kuquú /ameenír asltá xwayla gaa al'ot. Umuú heewo iri puungahhamkár qaytsiit amór kuqá', gitsee/er'ín iri sloo/amít kwaáo asla gina tsaara'ás.

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 26:17

Adoodár /ameenír qoomár xwayla gaa eer i diri', iwa tonganus nee iwa /aa/amiin as asltá xwayla, an adór atén kuúng tay tléhh, aá AAKOÓ MUNGÚ.

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 30:10

AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 4:21

Ay xaylá aníng bendeérár slaqwara ngi ga/aa/aw, nee afór tarumbeéta ngi axamamiis.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

HOSEA 10:3

Hamí daxa tan ooi, «Atén waawutmoó u koomanaaká. Asma AAKOÓ MUNGÚ u ilaiwawa/anaaká. Ala geeraawo waawutmo gár tiwa /iisi a milá?»

HOSEA 13:13

Múk Israeli asltá /ameenír xwayla gu i hardát, ala inooín a adór na/oó daktani oo qoomár xwayla gaa ay, ala qoomár xwayla bira xeér, in sii' ti'inaango baraá guruú aayooro.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

Yohana 16:21

/Ameeni in gurhaamút deelór xwaylarós binda xeér, asma slahh'amuuduú siiwár xwayla. Ala bira xwayluúr, slahh'amaayeedá' ga insleeraaká, asma qwal/uudá' na/aay kuwa sláy baraá yaamuwo.

Geehhoeemaá 12:2

/Ameenirí a tsiiháy, i /aa/amiín asma asltá xwayla nee as slahha'amaayér xwayla.