MIKA 4:8 - Biblía Axweesantá Hhohho' ar Mungú 2004

⁸ Kiíng, tloomár múk Siyoni, baraawoge Aakoó Mungú i mukós de'én, adór de'eemusmoó gawaá /aampár wa xumiís amór bee/aangós i alé. Kiísíng gixsár Yerusalemu a malé gixsár ur tleehhít ar waawuti'iim malé alé adoodár aáng tara waawuti'iín.

MIKA 4:8 Iomraidhean Croise

IIMU/UUNGW 35:21

Israeli iri kumiít aaiiwo, iri heémarós kikií' dír tsitsinír Ederi ngiwa waaraáhh.

2 SAMUELI 5:7

Tam adoorihe, waawutmo Daudi gixsár Siyoni gana hayóh tidá' taa harweér ar koo/ír gawit, tari gixsár Daudi.

NEHEMIA 3:25

Palali garmoó Usai dír aa /abeés tlehhmuuwo a iimír didá' koo/i niwa warqeér ay dír /aampár doó waawutmo tidá' tseew bihhaá afeenár xuumuuse. Pedaya garmoó Paroshi

WARA'AMI 24:7

«Kuungaásingaá afér gixsa, gweerita hhe'eesé'! Kuungaásingaá afér qaránqar, gweerité', waawutmoó xirfuú koóm i dahi!»

WARA'AMI 48:3

Mungú i baraá maraydaá gixsár i dirii', inós taa laqán tawa baqmór saxamaár.

WARA'AMI 61:3

Asma kuúng an dír guway'eé', baqmór /uuruú koom, ar wakusmooeé' iwa slayká.

DAA'AANGW 4:4

Istók a adór doó gáwtí tleér oo Daudi, kudá' taa tleéhh as xooslár slaqwara babats. Handá', gaambudaá kumuú wák kaa tarereé'. Sleémeero awa múk slaqwarár xuú'.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

ISAYA 10:32

Laarír kilá' inós in sihhiit baraá yaamaá Nobu, inós kuundi'iiwós giri maamakuus amór tloomár múk Siyoni, nee amór gongoamoó Yerusalemu.

ISAYA 5:2

Gana doosla hhe'eés, tlaa/e sleémeero giri hingeés. Baraadae sabiíbuudá' taa tsawaár guri hamareés. /Aampár xuuma gari baraá tla/angwdií tleéhh, nee bohóngw sabiíbu kuwa tsoo/iti guri foól. Naagáy sabiíbu guna dán iwa laqwaali, ala sabiíbuudá', sabiíbuú sla/a guri laqwaál.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

SEKARIA 9:10

Gaardaá slaqwara awa múk Efraimu in hhitiím, nee farsuú slaqwara oo gixsár Yerusalemu un hhitiím sleeme, nee ga/aldaá slaqwara in giqáw sleeme. Inós wayda ngu huuw baraá xoorduuwo. Waawiti'iimarós in tsiníq ay tlabeemo sleémeero, iimír yaaér Eufrate wa tleemu ay alhhe'eesoó yaamu.

SEKARIA 9:12

Kuungaásingaá taa tsegiít awa harahhifór koomá', ki/é' amór koo/irhúng tidá' gawit. Hamí án kuungá' nun baw, nu hhooeemáy ki/ís sagaáwa tsár wa ale.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

FAARO 24:19

Heeko baraá xwaylár Yakobowo i waawuti'ín, inós múk aa meet baraá gixsaaro gun qororo'oos.»

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Marko 12:1

Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Efeso 1:21

Guri waawuti'iimár i haniís daanduú geeraharuuse sleémeero, nee kudá' sleémeero aleesleemuú koomá', nee kudá' /uuruú koomá' nee daanduú kudá' sleémeero waawuti'ii'imá'. Inós kwaa qaás daanduú ume sleémeero ar mukdá' aleesleemuú koóm, kudá' baraá yaamuukií diriiá', nee kudá' baraá yaamaá hardahá' sleeme.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.