MIKA 4:13 - Biblía Axweesantá Hhohho' ar Mungú 2004

¹³ Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

MIKA 4:13 Iomraidhean Croise

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

WARA'AMI 68:29

Waawitá u qeemií huuw, as Do'ók kudá' hhoohhoó' oo baraá Yerusalemu.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

ISAYA 21:10

Aá múk Israeli, muk'eé', kuungaasingá' taa tuuaiít adór balángw wa alé, kángw naa dír AAKOÓ MUNGÚ Aleesleemusmoó wa axaás, Munguú Israeli, ngwa dirhúngií oó'.

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

HOSEA 10:11

Múk Israeli a adór awuú taa intsaahhatisa hhe'eés oo balaangw kal/aango gu slaá'. Ala hám aníng istós tidá' hhoohhoo' an taaqwantí tseék. Múk Yuda i doosl ar kurmo, múk Yakobo kurmoó kakaani gun uuruux.

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

HABAKUKI 3:12

Yaamu ina kal/aán ar xaraasleemaawók, xoordu kiri nakaa/aruúr as buhhtaawók.

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

SEKARIA 6:5

Malaykamoodá' aníng iri báy, «Gaarduuká' tsiyáhh a badu tsiyáhh awa yaamu nina ti'iitiyé', alaá niwa iwiwitiyé' dír geeraá AAKOÓ MUNGÚ yaamu sleémeero wa alé.»

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

DABE 33:25

Koo/ír do'ók a muqsla nee muqslár sirdaa/aten, kuúng a waydúr hót daqisleém.

YOSHUA 6:19

Ala peésa sleémeero nee sahaábuwo nee xooslaá taa tleéhh ar muqslár da/aten nee awa muqslaro a xooslaá taa paraátl as Aakoó Mungú, adoorihe kin qaas baraá qaasír AAKOÓ MUNGÚ.