MIKA 4:12 - Biblía Axweesantá Hhohho' ar Mungú 2004

¹² Ala laatí xoorduuká', inslawoó AAKOÓ MUNGÚ ngu xuiaaká, tam gár i tleehhamór wa slai ngaa tsaahhi'iiká. AAKOÓ MUNGÚ inooín ngina adór angaáno wa haraki/ís, oo taa burumbuúr as kuwa slahhan.

MIKA 4:12 Iomraidhean Croise

WARA'AMI 147:19

Axweesantós gan alki/iit dír múk Israeli, kaahirós nee sakwasleemaro gari dir'ín i alki/iit.

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

ISAYA 10:7

Ala adoorí a adór aa kilós slaiiká, nee sleeme a adór muunaáwose i aldakutiiká, as baraá muunaáwose gár aa káh a hhita nee xooro amór saáwí diyaa/a, ala sleeme a xoorór niinaweeká.

ISAYA 21:10

Aá múk Israeli, muk'eé', kuungaasingá' taa tuuaiít adór balángw wa alé, kángw naa dír AAKOÓ MUNGÚ Aleesleemusmoó wa axaás, Munguú Israeli, ngwa dirhúngií oó'.

ISAYA 29:7

Nee boohhár xoordu sleémeero kudá' slaqwá' amór Yerusalemu, kudá' slaqwá' amór koo/ír gawit ar gixsa as ngiwa baramaanusiya', in adór tlata tleehhitiyá', nee adór iigu'utuú xweera.

ISAYA 55:8

AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

Yoeli 3:2

aníng xoordu sleémeero in burumbuúr, ngiri huúw ay baraá xatstá Yehoshafati, ngiri baraadá' wa sakwasleemuút, asma tlehhmi'iidá' naa tlehhaahhitiyé' dír múk'eé' oo Israeli, kuduú aalir'eé'. Asma inooín muk'eé' nguna diyaya/iyé' baraá tla/ángw xoordu, nee yaamuueé' ngiri ka'amisiyé'.

Luka 3:17

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuntír i qaas, ala mundáy gun daa/ ar asltá baloó gwaa'aaká.»