MIKA 3:8 - Biblía Axweesantá Hhohho' ar Mungú 2004

⁸ Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

MIKA 3:8 Iomraidhean Croise

YOBU 32:18

Axweesantá yaariir a koóm, nee qeeruuduú baraaeé' aníng in tliwi/ín ngiwa oo'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

YEREMIA 1:18

Asma laarí aníng kuúng ugwa gawdeés adór gixsár taa harweér ar koo/ír gawit, ar taa uheemaá muqslár i siíhh, nee ar koo/irós taa tleéhh ar muqslár sirda/aten, as tiwa tlampa'aamisa' nee yaamu sleémeero, nee waawituú oo xoorór Yuda, nee geeraharuuserose, nee kaahamuusér Munguhe, nee múk yaamuuká' sleémeero.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

ESEKIELI 16:2

«Heewí, gixsár Yerusalemu muruudá' aníng buhhtamís ti geehhooes.

ESEKIELI 20:4

«Heewí, kuúng taa amohhe'ési mukwí kuwa sakwasleemut? Gimáy sakwasleemuuteek. Bariiseerí ka inslawtís daanduú tidá' aa tlehhi.

ESEKIELI 22:2

«Heewí, taa amohhe'ési sakwasleemaro, gixsarí múk tsu/a/iim kawa sakwasleemut? Gimáy, muruuwós kudá' sleémeero aníng i buhhtamís ooeek.

ESEKIELI 23:36

AAKOÓ MUNGÚ ina báy, «Heewí, kuúng tu amohhoóe Ohola nee Oholiba sakwasleemaro? Gimáy, tlehhmi'ii'ín kudá' ta waki alki/iteek.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 43:10

«Heewí, hám daxta, múk Israeli kángw Doó Mungú ti beer, nee adoodá' kura tleéhh ngi intsaatsahhiye'. Ki mureekeesi nee tlakweemaaín.

Matayo 7:29

Asma gina intsaahhatimís adór heé aleesleemuú koóm, tam a adór intsaahhatuusér hara'ayár Mosewooká.

Marko 3:17

nee Yakobo garmoó Sebedayo, nee hhiyaawós Yohane, giri umuú hatlá' i tsaát, a Boanerge, gídaabárós a daaqoó tsimaahhuuse,

1 Korinto 2:4

Aníng axweesantá Mungú ngiwa amorhúng i alki/iít, aníng kuungá' naa afa /asliimiiká ar axweesantá sagalooár muu. Ala ngina alki/iít ar /uuruú Qeeruú Mungú.