MIKA 3:6 - Biblía Axweesantá Hhohho' ar Mungú 2004

⁶ «Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

MIKA 3:6 Iomraidhean Croise

WARA'AMI 74:9

Layár ta ara'araan i káhh, laqaá aarusmo. Tam alhhe'eesoó tí heé gu xuú' i kaahh.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 59:10

Atén koo/i an dabár leelehhitaán a adór heé taampa an dabár leelehhitaán adór heé ilaá koomaaká. Tin sadukuuts tlaatla/aango adór múk xweeraá hi'imiít. Dír múk /uuruú kooma atén an adór tu'u.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 15:9

Aayoodá' na/aá faanqw gi koom i gwagwa'aán, i slaraará/, looaarós aa tla/ángw doorí dát. Inós kaa mureekeés, kari alsi'imúy. Mukdá' aa meet aníng ugwa haniís kuwa geeraá wakuuser'ín wa tsu/i. Anuú AAKOÓ MUNGÚ tí ngina oó'.»

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

ESEKIELI 13:9

Aníng kuungá' nu alwarqáw muxtaaro, kuungaákaá aaruusér iigu'utuú lamtá ara'ará', nee aarír kudá' al/aymár kaahá'. Kuungá' a burumburita'aaká dír dinku'uumár muk'eene, laqaá tundu harafariiká baraá múk Israeliwo, laqaá sleeme a dat'aaká baraá yaamaá Israeli. Daqaní adoorihe kuungá' a tsahhá' adór aníng tar Aakoó MUNGÚ.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

AMOS 8:11

Aakoó MUNGÚ i kaahi, «Qaytsiít, baala ni xeér ar giyeé ngiwa tlees baraá yaamuwo, ala a giyér muruú /aymarooká, laqaá ar waxér ma'aá wahangooká, ala a giyér axweesantá AAKOÓ MUNGÚ kawa dakuusi axaasaro.

MIKA 2:6

Muu aníng in babay, «/Aymi'iisíng awa sakwasleema mingi atén babawaar, kangwsíng ta kat mu alki/iitaar. Asma Mungú atén ti mureekeesiiká.