MIKA 3:4 - Biblía Axweesantá Hhohho' ar Mungú 2004

⁴ Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

MIKA 3:4 Iomraidhean Croise

YOBU 27:9

Axáy qoomár slahh'amu burngwa sláy, Mungú /aa/eewós giqo axaási?

YOBU 35:13

Looeemaawo Mungú /aa/aá gaa wasl gi axaasiiká, Munguú Aleesleemusmo múk adoorí gu iiárií qaasiiká.

WARA'AMI 18:41

Nina mak uuiyé', ala heé gaa /iis i kaahh. AAKOÓ MUNGÚ nguna mak i /aa/iyé', ala gaa iiárií qaasiiká.

AXWEESANOÓ SAGALOOA 1:28

baalaadae aníng in atetá', ala a ooimaaká. Iri leelehhitá' ar ilakaahara, ala i aanda'aaká.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

MIKA 3:7

Mukdá' iigu'utuú ara'ár, tay amooqwaar, kuri mureekeemiis, nee mukdá' aaririím tay amooqwaar sleeme, kuri niinaweemiis. Sleémeero afer'ín kari tuuntuuk, asma Mungú i ilawatsiiká.

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

SEKARIA 7:13

Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

1 SAMUELI 8:18

Baalaadae kuungá' tari /aa/amiindá' as waawutmoohúng kudá' taa tsawadé'. Ala AAKOÓ MUNGÚ nu mu/aywatsiiká.»