MIKA 3:12 - Biblía Axweesantá Hhohho' ar Mungú 2004

¹² Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

MIKA 3:12 Iomraidhean Croise

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

YEREMIA 17:3

nee gawaá sagér tlom'iiwo, nee xatsoowo. Aníng daqaari'iimarhúng, nee umuúqo gár ta koonda'a an haasaáng wa haniís dír wakuuserhúng, as tawa bu'uutuú tlakweemaahúng kudá' taa tlehhaahhité' baraá yaamu sleémeero.

YEREMIA 22:5

Ala barnaxes aga iialooeesi'iiká baraá axweesante'eé' tihe, anuú AAKOÓ MUNGÚ lo'o aga /aáy adór yaamuuká' ngir taangu tleéhh. Anuú AAKOÓ MUNGÚ tí ngina oó'.› »

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 35:17

Gawaá adoorihe, anuú AAKOÓ MUNGÚ Aleesleemusmo, Munguú Israeli a kah, ‹Aníng múk Yuda nee yaamuloouuse sleémeero ar Yerusalemu a amotlakwérí huúw, tidá' naa oiím dir'ín i alé, asma aníng ana axweés, ala inooín iga iiárií qaasi'iiká, ina ateét, ala naa ooin'iiká.› »

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

WA/AA/I 5:18

Asma tloomár Siyoni kaa kilós geexáy, tawer i baraá tanguuwós wa harweeriirín.

MIKA 1:6

Aako i kaahi, «Gawaá adoorihe aníng gixsár Samaria a /aantani tleéhh baraá tla/ángw xatsto, tari adór dír ta xaa'aá sabiíbú i dahamamisi. Nee tlaa/eedá' tara tleehhiít in kwaáhh baraá xatsa, iihhafiiriirós ngiri geehhoeés.

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»