MIKA 3:1 - Biblía Axweesantá Hhohho' ar Mungú 2004

¹ Nari oó', «Na'asé', iia qaasaak, kuungá' geeraharuusér doó Yakobo, kuungaásingá' awa doó Israeli ngu sawaawuti'iimá'! Xáy, i hariindaakáhe kuungá' muruú ganaá' kuwa xua'?

MIKA 3:1 Iomraidhean Croise

NEHEMIA 13:17

Geeraharuusér múk Yuda ana iigahhaát, ana oó', «Tlakweemaaká' ta tlehhtá' a milá awa deelór Sabaáto kawa meetagaamisa'?

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ESEKIELI 22:6

Geeraharuusér Israeli tidá' baraawók i dirii', umuú heewo in tsu/uut ar adór inós i aleeslay.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

ESEKIELI 34:3

Kuungá' di/i an /agá', nee tlabaá taa tleéhh ar se'éngw bee/aangw in tsititá', nee bee/ángw aa wahhdiit un tsu/á', ala kuungá' bee/aangw de'eengo ugwa meeré'.

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.