MIKA 2:8 - Biblía Axweesantá Hhohho' ar Mungú 2004

⁸ Aako múk adoorí káh, gu babay, «Kuungá' muk'eé' un hara/uuntsiitsiindá' adór wakuuse. Múk naa baraá slaqwarár wa waatl kawa xui amohhooa i deer, laatí kuungá' in daamaraandá' kiwa inqwar hayota'.

MIKA 2:8 Iomraidhean Croise

2 SAMUELI 20:19

Aníng a heé wák oo wayda gu slaá' nee inkihhimu, baraá múk Israeliwo. Hamí kuúng an tsabiínda gixsarí, ar adór aayo baraá múk Israeliro kawa hhitiin. Asma waáy, hamí gixsarír AAKOÓ MUNGÚ mas qwaareesár wa slá'?»

WARA'AMI 55:20

Mulqumooeé' kudá' slahhaá' mulqeerós gaa sakií/. Alqadoorós gaa sií'.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 12:8

Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

MIKA 3:2

Kuungaásingá' muruú hhó' ngu ahhiitá' nee muruú tlákw sla'á', kuungaádá' kadaá múk daqá' nee fu'unaá baraá faduuín,

MIKA 3:3

nee fu'unaá muk'eé' in /agá', nee kaduuín in daqá', nee faduuín kiri giqeerá'. Nee in tlaqá', kiri supaapiindá' adór fadaá ta baraá hutláy qaasi, nee tay adór fu'unaá baraá qataai.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.