MIKA 2:3 - Biblía Axweesantá Hhohho' ar Mungú 2004

³ Gawaá adoorihe AAKOÓ MUNGÚ i kaahi, «Ga/aawaak, aníng sleeme a muruú tlákw qoomeemeés oo ni daanduuhúng i huuw, oo kuungá' ta ilagoba'aaká. Gaarí a qoomar tlaakw, tam kuungá' hi'iitanór daara/aangw kay inki/a'aaká.

MIKA 2:3 Iomraidhean Croise

ISAYA 29:20

Asma mukdá' baramaanumaamiís ku qwaarees, nee kudá' niqaaqimá' i faakiyá', nee mukdá' gigdaadiím as tlakweema kiwa tleehhi ku hhaamiis.

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

ISAYA 5:19

tawa kaahi, «AAKOÓ MUNGÚ mawaak ni gaansluuti, tidá' aa oó' i tleehhamór wa slai a araán. Kudá' Hhoohhoó' oo Israeli tidá' i slai i tleehharut a araán, as kahhó' kawa xuaan.»

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 27:12

Anuú Yeremia, waawutmo Sedekia oo Yuda una báw, «Waawutmoó Babuloni ilaiwawa/eek. Inós sagadiyuuseek nee mukose, daqaní kuúng a hót.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 36:23

Qoomár Yehudi hha'aá tám laqaá tsiyáhh birnga hhe'eés soómaro, waawutmo hhaiidá' gina tsaát ar tsataay, giri kwaáhh baraá asltá gil'o. Ina adoorír kumiít kitaábuudá' guri faák baraá ásltí kwakwahhuwo.

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

YEREMIA 8:3

Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

WA/AA/I 5:5

Tina ar gadiyuús adór makaay, taaqwanaay i gawaá isoorén, tam aga slaaqamitaán, hungu/uusa i káhh.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

AMOS 5:13

Gawaá adoorihe heé sagalooa ina xasliit qoomaadae, asma qoomaadá' a qoomár tlaakw.

MIKA 2:1

Mukdá' sleémeero muruú tlákw qoomeemeés a tsaxwaaín, asma inooín barta baraá qateenoínií qaát amsiwo muruú tlákw kun qoomeemees, Matlaatleero qatuuwo birna tlayé', muruudá' kway tsuwa tleehh, asma aleesleemu ngu koná'.

Rumi 16:4

Inooín kina lak iso tlaáq as slafingw'eé' nguwa ba/amisiya'. Aníng inooín in sluufmiís. Ala a aníng kilooeeneeká, ala tam kríshaanáy sleémeero oo múk xoordaá hatlá' inooín gin sluufmiis.

Efeso 5:16

Qoomaarí ta koonda' ar gadiyuusaak, asma de'emaaká' a de'emaá tlakweema.

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.