MIKA 2:2 - Biblía Axweesantá Hhohho' ar Mungú 2004

² Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

MIKA 2:2 Iomraidhean Croise

1 WAAWITÁ 21:1

Naboti a yaamuloousmoó Yesre'eli, inós qaymór sabiíbu ga kón amoodár Yesre'eliro. Qaymoorós i bihhaá doó Ahabu, waawutmoó Samaria.

2 WAAWITÁ 9:26

AAKOÓ MUNGÚ ina oó', ‹Tseerér Naboti nee ar na/iiwós tidá' /isá' naa ár, looeemaawo aníng lo'o aga /aáy án li/oó tseereerí u buú' baraá qaymoorí.› Gawaá adoorihe, tuuár Yoram kwahheek baraá qaymór Naboti ar adoodá' AAKOÓ MUNGÚ ngira oó'.»

YOBU 31:38

Áx yaamaá ni /aay awa qo hara/uuntsáwo, nee digeemiiwós iqo tsuunqumiisía as aníng?

TI'INAANGW 20:17

«Doó inslaawmoowók mu ilatleerusaar. Harér inslaawmoowók ma ilatleerusaar, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár i kona.»

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 5:8

Tsaxwaaín kudá' doó dogiitá' daanduú kuqá' wa ale, nee kudá' qaymór dooslá' bihhaá qaymór hatlá', tam pa/aangw iri qwaár oo múk hatlá' baraá yaamuwo, asma umuú diiro ana toohúng tlehhé'.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 22:13

«Aníng kuunday'eé' ugwa amohhe'eés as iwa tuu' asma slaasláwasíng taa sleér ar loohír gana'aaká, nee asma múk yaariír oo taa ayaawók waa tsuú/.

ESEKIELI 33:26

Kuungá' xooslarhúng ar slaqwara ana harahhifé', muruú ta tlehhita' an kudá' án i buhhtamís, nee umuú hhawaatuwo baraahunge nee harér heé hatlá' tan fuquus. Xáy, kuungá' ka xuá' yaamuuká' ngiqo tsuwa haniísa?

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

ESEKIELI 46:18

Geeraharusmo tam ado gaalá yaamaá hee mingiwa hayóh. Yaamuudá' i na/iiwós ar qaaqay masók aqo yaamuuwós awa kilá'. Gawaá adoorihe inós muk'eé' gu /aytinká as yaamuuín ngiwa hayoohi.»

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

AMOS 2:7

Inooín múk aleesleemuú koomaaká ngun baramaanuusiyá', nee hariímár narkuute kana hayoohín. Garma nee baabuúwós tan fuqtá áy dír dasír wák. Gawaá adoorihe umuueé' kudá' hhoohhoó' nguri meetagaasiyé'.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 8:4

Axáy, iia qaasaak, kuungásingá' múk liitlakwén ngu baramaanuusá' nee narkuutér faakár wa sla'á'.

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.