MIKA 2:1 - Biblía Axweesantá Hhohho' ar Mungú 2004

¹ Mukdá' sleémeero muruú tlákw qoomeemeés a tsaxwaaín, asma inooín barta baraá qateenoínií qaát amsiwo muruú tlákw kun qoomeemees, Matlaatleero qatuuwo birna tlayé', muruudá' kway tsuwa tleehh, asma aleesleemu ngu koná'.

MIKA 2:1 Iomraidhean Croise

IIMU/UUNGW 31:29

Aleesleemuú uwa hariiaw u koóm, ala Mungú, baabuúwók nee aníng ana axweesaán ar baraá tlata xweeraá laarí ta dahhaan, ina gurbuú', iri báy, ‹Ti harmagahh Yakobo mu /aymuú bawaar oo hhoó' laqaá oo tlaákw.›

1 WAAWITÁ 21:7

Yesebeli guri beér, «Waawutmoó Israeli a heemá? Ahaá a kuúngeéke? Qwaláng, tlawáng, /ayiím, qwalalaá/ sleeme. Aníngár kilá' qaymór sabiíbu ar Naboti, yaamuloousmoó Yesre'eli, ngi haniís.»

ESTA 3:8

Aluuwo Hamani waawutmo Ahasuero guri báy, «Xoororka wák i deer ar aa tsiyayaaxat baraá tla/ángw muu oo umuú dii baraá ayeemo sleémeero awa waawuti'iimarók. Inooín daber'ín nee dabér umuú xoorór ti slawá' i káhh, tam hara'ayár waawutmo ngi axamisiaaká, gawaá adoorihe, nee waawutmo ti aleslay'aaká.

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

YOBU 15:35

Kuká' al/ayma ngi tsihiyá' nee tlakweema ngin laqwaliyá', baraá muner'ine gár hatlá' i káhh aqo har lameemo ngin qoomeemeesiyá'.»

YOBU 24:14

Iimi bir pisli'iimít tsu/utusmo in tseewa ti'iit, as kahhó' narkuute nee mukdá' aleeleém nguwa tsu/i, nee qoomár xweeraawo in fisisín.

WARA'AMI 36:4

Muruú tlákw oo i tleehhamór wa slai gun aldakuut gawaá qatuuwós wa ale. Tin dahmiis baraá lohaá tlakw, inós muruú tlákw gun eeharahaar.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

WARA'AMI 58:3

Kudá' gan'amuú kooma'aaká naa qaroó paraanga/iyé' iimír baraá guruuwo. Tam iimír kiwa laqwaali a lamuuse.

AXWEESANOÓ SAGALOOA 12:2

Heé hhoó' hhooeema gi sláy dír AAKOO MUNGUHE. Ala heé inslaway tlákw ku sakwasleemuut nee Mungú.

AXWEESANOÓ SAGALOOA 14:22

Áx mukdá' tlakweemaá eeharahár taqo dakuusikáhe, Ala mukdá' hhooeemaá eeharahár gár ta laqan a sla'aari nee inkihhimuuín.

AXWEESANOÓ SAGALOOA 3:27

Gár hhoo' bar koón ma /itimaar dír heé iwa hariinda, kuúng bar aleesleér tleehhamooro.

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

ISAYA 29:20

Asma mukdá' baramaanumaamiís ku qwaarees, nee kudá' niqaaqimá' i faakiyá', nee mukdá' gigdaadiím as tlakweema kiwa tleehhi ku hhaamiis.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 32:7

Al/aymár al/aymuuse ka tlaakw, inooín tlakweema ngin ado warqeemisiyá', as kahhó' narkutmo nguwa qwaareesiya' ar lamtaín, tam geeraawo gadaádá' narkutmo i slai i qoonda.

ISAYA 5:8

Tsaxwaaín kudá' doó dogiitá' daanduú kuqá' wa ale, nee kudá' qaymór dooslá' bihhaá qaymór hatlá', tam pa/aangw iri qwaár oo múk hatlá' baraá yaamuwo, asma umuú diiro ana toohúng tlehhé'.

ISAYA 59:3

Asma dabaahúng iga tlakwesé' ar tseerdu, ditsaahúng tlakweema nga tleehhiyé', aferhúng lama gaa kát. Muruú tlákw ugwa axwesé' ar tsifreeriihúng

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

ESEKIELI 11:2

AAKOÓ MUNGÚ aníng iri báy, «Heewí, mukwí an kuduú muruú tlákw iimi/u/uúm, nee a múk hara'ayár qoomaaká hanmiís baraakaá gixsaro,

ESEKIELI 33:26

Kuungá' xooslarhúng ar slaqwara ana harahhifé', muruú ta tlehhita' an kudá' án i buhhtamís, nee umuú hhawaatuwo baraahunge nee harér heé hatlá' tan fuquus. Xáy, kuungá' ka xuá' yaamuuká' ngiqo tsuwa haniísa?

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

ESEKIELI 46:18

Geeraharusmo tam ado gaalá yaamaá hee mingiwa hayóh. Yaamuudá' i na/iiwós ar qaaqay masók aqo yaamuuwós awa kilá'. Gawaá adoorihe inós muk'eé' gu /aytinká as yaamuuín ngiwa hayoohi.»

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

NAHUMU 1:11

Heé wák i deéroóke oo ayaawók daáhh, oo muruú tlákw aldakuút daanduú AAKOÓ MUNGUHE, oo hara'ayár tlakw ga oiím?

SEKARIA 7:10

Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

Marko 15:1

Looa niwa tleér matlaatleero kaahamuusér uren ar Mungú nee bariiseero, nee intsaahhatuusér hara'ayár Mosewo, nee múk doó kwasleema sleémeero niri kwasleemutiyé'. Yesu kuri tseék, kuri huúw, kway dabaá Pilató i qaás.

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

Tlehhema'aá ya/Abuuse 23:15

Gimsé', kuungá' nee bariisér kwasleema geeraharusmoó úr oo askaári ádbawaak Paulo nguwa amoorí ar /eeti matlo. Baré kwaáo' kangós un alqaytsitár wa sla'á'. Daqaní atén u loohír wa giiraán, nguri gaasaán.»

Rumi 1:30

tari /ayseenaá tlaáq, Mungú kuri aáhh. Inooín tari fahharuumiít, nee daara/uuse, nee múk ti kilooín xirfayeemiís, múk lohdaá tlehhma'aá tlákw leelehhiít, múk xwaylitér'ín iialooeemisaaká,

DABE 28:32

Na/iiwók awa daaqaay, nee awa dasuuwo kin dír ilaawók wa haniis dír xoordaá hatlá', kuúng ila' kiri tawo duxuún tlaatla/aangw sleémeerowo, ala kuúng /uuruú kir ki/is tumu niiná i kaahh.